Teo – mellora do punto limpo

O CONCELLO DE TEO REALIZA TRABALLOS DE MELLORA NO PUNTO LIMPO MUNICIPAL

· As obras contan co co-financiamento da Consellería de Medio Ambiente, a través dunha orde de axudas que subvenciona os proxectos en materia de residuos

09 de novembro de 2011. O Concello de Teo está realizando durante estes días obras de mellora no Punto limpo municipal, situado na Lagoa. Trátase duns traballos moi necesarios na instalación sobre todo de cara a cumprir coas futuras esixencias autonómicas nesta materia. TEO - MELLORA DO PUNTO LIMPO

Os traballos consisten fundamentalmente na adquisición e colocación de dous colectores de vinte metros cúbicos, a instalación dunha estrutura metálica para cubrir o colector de Residuos de aparatos técnicos e electrónicos –RAEEs-, facer o revestimento lateral da caseta de residuos perigosos ademais de colocar unha canaleta para a recollida de pluviais.

A concellería de Medio Ambiente municipal, dirixida por Manuel Anxo Fernéndez Baz, solicitou unha subvención á Xunta de Galicia para executar estas actuacións, ó abeiro da orde do 29 de decembro de 2010 pola que se financian proxectos en materia de residuos. O importe solicitado triplicaba a cantidade subvencionada, que é de 11.523 euros. Unha das principais obras incluídas na solicitude era o cerramento exterior do perímetro do punto limpo, moi necesario debido ós constantes roubos e destrozos detectados na instalación. Sen embargo o importe subvencionado, bastante menor que o solicitado, obrigou a priorizar as actuacións na zona dos residuos e dos colectores. As melloras no punto limpo deben estar rematadas e xustificado o pago a finais do mes de novembro, precisamente para dar cumprimento ós requisitos da subvención.

O Punto Limpo é un servizo gratuíto para persoas empadroadas que funciona de martes a venres de 10 a 13 horas e de 17 a 20 horas e os sábados de 10 a 13 horas e de 16 a 19 horas. Os luns, domingos e festivos permanece pechado.

No Punto Limpo, situado no lugar da Lagoa, na carretera A Ramallosa-Luou, hai colectores específicos para cada tipo de residuo de cara a que estes elementos se poidan reciclar. Dende o Departamento de Medio Ambiente lémbrase que no Punto Limpo non se poden depositar infecciosos ou radioactivos e tampouco pode ser usados polas empresas sendo só para particulares.

Ningún comentario: