Silleda – mesa do comercio

Silleda constituirá este mes a Mesa Local do Comercio, con representantes da Administración e do sector

-O acordo tomarase no pleno do vindeiro xoves día 24

Silleda, 10 de novembro de 2011. A Mesa Local do Comercio quedará constituida este mes no municipio de Silleda. O órgano, créase en todos os concellos en virtude da Lei 13/2012 do Comercio Interior de Galicia, aprobada polo Parlamento de Galicia e que entrou en vigor en xaneiro deste ano. Estará presidido pola alcaldesa, Paula Fernández, e contará cun representante da Asociación de Empresarios e Comerciantes de Silleda (ECOS), outro da asociación provincial da Federación de Usuarios e Consumidores Independentes de Galicia (Fuciga); un represenantes da Xunta e outros dous co Concello, entre eles o concelleiro de Industria e Comercio, Klaus Brey.

A Mesa Local do Comercio actuará como órgano colegiado de participación, coordinación, cooperación e colaboración entre a Administración Local e os axentes representativos do sector comercial. Segundo figura na normativa, o órgano reunirase como mínimo unha vez ao ano, correspondendo a súa convocatoria ao Concello.

A proposta da Alcaldía para a constitución da mesa debatiráse na comisión informativa de Emprego, Industria e Comercio, antes de elevala ao próximo pleno ordinario que se celebrará o vindeiro xoves día 24.

Está previsto que na sesión constitutiva, que terá lugar días despois da celebración do pleno, se poida incluir na orde do día cuestións de importancia do sector. Así, barállase a posibilidade de aproveitar a celebración desta primeira xuntanza para tratar asuntos de interese para o sector do comercio de cara a vindeira campaña de Nadal, coma o concurso de escaparates ou outras iniciativas.

Ningún comentario: