O BNG DE NEGREIRA ALERTA DA PERIGOSIDADE DA ESTRADA ENTRE A PENA E XALLAS VISIBILIDADE NULA POLA ESPESA NÉBOA, NUNHA VÍA QUE ESTÁ SEN PINTAR
Negreira, 10 novembro:
O Bloque Nacionalista Galego de Negreira alerta ó Goberno Local do perigo que supón para a circulación a estrada local entre A Pena e Xallas, pola espesa néboa que dificulta a visibilidade da vía, que ademáis está sen pintar.
O voceiro nacionalista, Antonio Ponte, aconsella “iniciar urxentemente os traballos de pintado da estrada, porque xa se produciron varias saídas de vía dende que comezou o mal tempo”. Ademáis lembra Ponte “que os veciños que utilizan esa vía tódolos días, non deben resignarse ó abandono do Concello e contan co BNG para defender os seus dereitos e reclamar melloras na seguridade vial.”
Membros do BNG sufriron as malas condicións da vía cando acudiron ó mitin celebrado en Xallas o pasado martes, tardando case 25 minutos en cubrir un traxecto de 8 km, nunha noite cunhas condicións meteorolóxicas especialmente malas.
Ningún comentario:
Publicar un comentario