A exposición micolóxica amplía a súa presenza na Casa da Xuventude
-Algúns dos paneis divulgativos e material non perecedeiro da mostra, que hoxe visitaron escolares do municipio, trasladaranse ao CEIP da Bandeira
Silleda, 11 de novembro. A exposición micolóxica que está estes día na Casa da Xuventude de Silleda ampliarase durante varias xornadas á vista do éxito entre o público. Hoxe un total de 60 alumnos CEIP de Silleda e un do colexio María Inmaculada visitaron esta mostra, cun percorrido ameno e didáctico polas distintas especies micolóxicas realizado polos alumnos e alumnas do ciclo de monitor en Educación Ambiental. A mostra abrirá mañá sábado e o domingo de 11.00 a 14.00 e de 16.30 a 20.30 horas.
Ademais, algúns dos paneis divulgativos e material non perecedeiro da mostra trasladaranse unha vez rematadas as actividades ao CEIP da Bandeira.
A concelleira de Formación e Emprego, Margarita Campos Espiño, destaca o éxito da mostra, realizada polos alumnos e alumnas do curso de monitor de Educación Ambiental, para desempregados e que espertou un grande interese entre o alumnado.
Ningún comentario:
Publicar un comentario