Brión – a piscina municipal acada os 1000 socios

A PISCINA MUNICIPAL CUBERTA DE BRIÓN ACADA OS 1.000 SOCIOS E MÁIS DE 300 ASISTENTES A CURSOS NOS SEUS PRIMEIROS 100 DÍAS EN FUNCIONAMENTO

Para agradecer a confianza dos aboados, a concesionaria porá en marcha unha campaña de regalo de invitacións gratuitas

10 de novembro de 2011. A piscina municipal cuberta de Brión vén de cumprir os seus primeiros cen días en funcionamento, algo más de tres meses nos que conseguíu acadar xa os 1.000 socios e superar os 300 asistentes a cursos. Entre a súa oferta de cursos, os máis demandados son os dunha clase semanal para nenos, así como os de aquaeróbic, aquaxim e cursos para bebés.

Para agradecer a confianza de todos os aboados, a empresa adxudicataria da piscina municipal de Brión, Aquafit Gestión SL, vai poñer en marcha unha campaña de regalo de invitacións gratuitas. Deste xeito, vaise regalar unha invitación para facer uso das instalacións situadas en Pedrouzos a todos os abonados para que poidan así convidar a un amigo. Así mesmo, de cara ao Nadal está previsto tamén un sorteo entre todos os abonados dunha fin de semana nunha casa de turismo rural para dúas persoas e de catro bonos de dous meses para asistir de balde aos cursos de aquaeróbic.

Melloras nas instalaciónsBRION - PISCINA E MAIORES

Por outra banda, nestes primeiros cen días de funcionamento Aquafit Gestión SL puxo en marcha unha serie de melloras no equipamento da piscina municipal, adaptándose ás demandas dos usuarios. Un dos investimentos máis destacados foi a instalación dun sistema de desinfección da auga mediante luz ultravioleta, unha medida que permite reducir os niveis de cloro na auga.

As instalacións da piscina municipal cuberta de Brión contan cun vaso de 25x12,5 metros, un ximnasio de 150 metros cadrados con equipamento Life Fitness e vestiarios con saunas. As instalacións están abertas ao público en horario de 7:30 a 13:00 e de 18:30 a 22:00 horas (de luns a venres), de 9:00 a 14:00 e de 17:00 a 20:00 horas (sábados) e de 9:00 a 14:00 horas (domingos e festivos).

Os abonos mensuais custan 22 euros (individuais), 28 euros (familiar) e 17 euros (reducido ou social, é dicir, menores de 18 anos, maiores de 65 e colectivos desfavorecidos). Así mesmo, establécense unhas matrículas anuais polos mesmos importes nos tres casos. Tamén se contempla o acceso libre ás instalacións, que custa 3,8 euros (individual) e 2,7 euros (reducido ou social). O prezo dos cursos é de 10 euros (iniciación), 15 euros (perfeccionamento), 20 euros (bebés), 6 euros (escolares) e 5 euros (outros).

Ningún comentario: