A modificación puntual do PXOM pola que se amplían os usos do recinto feiral Semana Verde, entrará en vigor o vindeiro día 10 de decembro
A resolución urbanística, que xa foi aprobada definitivamente pola Secretaría Xeral de Ordenación do Territorio e Urbanismo en setembro, sae hoxe publicada no BOP
O Boletín Oficial da Provincia (BOP) de Pontevedra publica hoxe a modificación puntual do Plan Xeral de Ordenación Municipal (PXOM) na zona do recinto feiral Semana Verde, pola que se poderán ampliar os usos do recinto. A Secretaría Xeral de Ordenación do Territorio e Urbanismo outorgou o pasado mes de setembro a aprobación definitiva desta modificación, aprobada inicialmente no Pleno do 15 de maio pasado. Dita aprobación foi recollida xa no Diario Oficial de Galicia do día 20 de setembro.
O obxecto desta modificación é ampliar os usos permitidos na zona, engadindo o industrial complementario da actividade terciaria. Segundo a normativa correspondente, esta modificación entrará en vigor nun prazo de 15 días hábiles contados a partir da súa publicación, polo que ésta se sitúa no vindeiro luns día 10 de decembro.
Ningún comentario:
Publicar un comentario