Auditorio de Galicia – este luns comeza a venta de abonos

Son os equivalentes aos concertos de xaneiro a marzo e de abril-maio

O Auditorio de Galicia abre a venta de abonos tipo C e D do 26 ao 30 de decembro

  • Todos aqueles interesados en adquirilos teñen que achegarse ás billeteiras do Auditorio en horario de 11 a 14 horas.

  • O prezo do abono de tipo C, para 12 concertos, é de 124,95€ e o abono D, que comprende 7 concertos, ten un custe de 76,50€

Santiago de Compostela, 23/12/2011.- O vindeiro luns, 26 de decembro ábrese o prazo para mercar abonos tipo C e tipo D, que son os que corresponden aos concertos de xaneiro a marzo e de abril-maio do programa de abono do Auditorio de Galicia. Todos os interesados en adquirilos teñen que achegarse á billeteira do Auditorio de Galicia desde o 26 ata o 30 de dedembro, en horario de 11 a 14h.

Como todos os anos, o Auditorio de Galicia ofrece catro modalidades de abono para asistir aos diferentes concertos da temporada, ademais do abono especial para estudantes e xubilados, que supón un aforro do 50%. Tamén se mantivo a modalidade de abono colectivo para asociacións culturais e veciñais, escolas de música públicas e centros educativos públicos. Os catro abonos dos que falamos serían o A, que comprendería os concertos de toda a temporada; o B, cos concertos de setembro a decembro; o C os de xaneiro a marzo e o D os de abril e maio.

Os que se poñen agora a venta de novo son os de tipo B e C. O abono de tipo B é o que corresponde aos concertos de xaneiro a marzo. Un total de 12 concertos que costarían, coas entradas soltas, 147€ pero ao mercarlas en abono aplícaselle un 15% e queda en 124,95€. O abono tipo D corresponde aos 7 concertos de abril e maio que costarían 90€ e co desconto do 15% quedan en 76,50.

Entradas soltas

Ademais, por suposto, poderán seguir mercándose entradas soltas na páxina web de Novagalicia Banco as 24 horas do día ou no 902 434 443 ata 24 horas antes de cada concerto así como na billeteira do Auditorio de Galicia o día anterior e o propio día do concerto de 12 a 14 e de 17 a 20h. ou por teléfono, baixo a forma de pago por tarxeta.

As entradas soltas poñeranse á venta unha vez rematado o proceso dos abonos polo que para o conxunto dos concertos de xaneiro a marzo poderán comezar a mercarse soltas o 4 de xaneiro.

Ningún comentario: