O CONCELLO DE TEO REFORZA O SERVIZO DE PROTECCIÓN CIVIL QUE CUBRIRÁ AS 24 HORAS ATA FINAIS DE SETEMBRO
·
Mañá incorpóranse catro
novos traballadores de Protección Civil, contratados de xeito temporal grazas a
unha subvención da Consellería de Traballo
O Concello de Teo reforza dende mañá 1 de agosto
o servizo Municipal de Emerxencias coa incorporación de catro novos
traballadores cun contrato temporal. Esta circunstancia permitirá que o servizo
pase a funcionar durante as 24 horas durante os meses de agosto e setembro, o
período de máis perigo e risco de incendios.
O Servizo Municipal conta cunha plantilla estable de seis oficiais e un
encargado de protección civil. Durante as últimas semanas realizouse a
selección de catro persoas novas que terán un contrato temporal de cinco meses.
Esta contratación realízase grazas a unha subvención da Consellería de
Traballo.
Segundo explica Rafael Sisto, concelleiro responsable dos departamentos de
emerxencias e seguridade no Concello de Teo “para nós resulta vital contar co
servizo de 24 horas sobre todo nos meses de verán nos que existe máis risco de
incendios”. O ano pasado o Concello xa tivo o Servizo de Emerxencias
funcionando durante todo o día coincidindo coa época estival.
Está previsto volver ó horario de 14 horas, entre as oito da mañá e as dez
da noite, dende finais de setembro “agás as circunstancias meteorolóxicas nos
obriguen a manter o servizo 24 horas en outubro” continúa explicando Rafael
Sisto.
Ningún comentario:
Publicar un comentario