Santiago - axenda martes 31 (inclue festas do Apóstolo) e cortes de tráfico


8.30 h
Pleno extraordinario
Na Casa do Concello, sesión extraordinaria do Pleno da Corporación coa seguinte orde do día:
Punto único: Resolución de alegacións e aprobación definitiva, se procede, do orzamento e cadro de persoal do Concello para o ano 2012.


10.45 h
No Pavillón do Restollal, a concelleira de Educación, Rebeca Domínguez, clausura o Programa de conciliación familiar e laboral “Escolas de Verán 2012”.

11.30 h
En San Caetano, a concelleira de Obras e Infraestruturas, María Castelao, visita as obras de construción da rotonda.

NOTA: haberá un vehículo a disposición dos medios de comunicación que sairá ás 10.30 h da Praza do Obradoiro para ir ao Restollal e, a continuación, a San Caetano.

12.30 h
Na Casa do Concello, ROLDA DE PRENSA do voceiro do grupo municipal do BNG, Rubén Cela, sobre asuntos de carácter local.

13.00 h
Na rúa da Troia, o alcalde compostelán, Ángel Currás, asiste ao acto de reapertura do Museo da Casa da Troia, xunto co concelleiro Francisco Noya.

Festas do Apóstolo 2012

MARTES 31
12:00 h.Animación de rúa.

13:00 h. Reapertura do Museo La Casa de la Troya.

20:00 h.Animación de rúa.

23:00 h Castelo de fogos artificiais.
Escalinata do Campus Universitario
(GPD-Pirotecnia Ricasa)

23:30 h Concerto LÚAR NA LUBRE presentando MAR MAIOR.
Entrada libre
Praza da Quintana

24:00 h. Orquestra TELEVISIÓN.
Paseo central da Alameda




dos Fogos Fin de Festa


Debido á celebración dos FOGOS FIN DE FESTA, que se tirarán desde a escalinata do Campus Universitario ás 23.00 horas do martes 31, quedará cortado ao tránsito peonil, a partir das 9.30 horas, o Paseo da Ferradura e as zonas adxacentes, que estarán debidamente valadas. Poderase camiñar polo calexón que vai desde a gardería de Santa Susana ata a escalinata pequena que comunica coa avenida da Coruña.

Quedarán cortadas ao tráfico a partir das 22:00 horas as avenidas da Coruña e de Compostela, no tramo comprendido entre avenida das Ciencias e avenida das Burgas, polo que o tráfico que suba por esta última rúa deberá xirar obrigatoriamente á esquerda en dirección ao cruceiro do Galo. Prohíbese tamén o aparcamento desde as 15:00 horas ata as 01.00 horas do 1 de agosto.

No que respecta ao público que presencie os fogos dende o campus sur, prégase que, unha vez rematado o espectáculo pirotécnico, non empreguen as escalinatas de acceso á Alameda ata que os efectivos da Policía Local e de Protección Civil lles indiquen que, verificados os elementos de disparo, poden subir sen risco.

Membros da Policía e de Protección Civil estarán presentes na zona para guiar a vehículos e viandantes e aclarar calquera dúbida.

A Concellería de Circulación Viaria e Seguridade Cidadá prega aos cidadán desculpen as molestias que estas medidas poidan ocasionar. 

Ningún comentario: