Silleda – a alcaldesa pídelle a asociacion Olaia que falen co concello antes de acusalo de falta de rigor

A Alcaldesa chamou persoalmente á Asociación de Veciños Olaia para solucionar as súas dúbidas

ñ Tamén deu resposta a asociación de veciños de Taboada que reclamou a través do rexistro municipal melloras para as vivendas da estación

Silleda, 9 de marzo de 2012

Respecto das peticións feitas pola Asociación de Veciños de Silleda “Olaia” a Alcaldesa, Paula Fernández Pena, informa:

· Limpeza de solares: 14 fincas ás que se lle fixeron requirimentos de limpeza, xa o cumpriron e actualmente hai 8 solicitudes de licenza para peche, das que 5 xa están concedidas e en espera de que se inicien os traballos. Outros catro casos está agardando a resolución de conflitos coa titularidade. O resto dos propietarios aínda non contestaron aos requirimentos e os seus datos foron xa trasladados aos servizos xurídicos para incoarlle o oportuno expediente sancionador. No caso concreto do solar do Barrio de Campo, está pendente de resolución xudicial a súa propiedade polo, lamentablemente, teremos que agardar ata poder ter unha solución definitiva.

· Petición dun lombo de burro para a rúa María Colmeiro: existe un acordo da Xunta de Goberno Local, para facer unha mellora integral de toda a contorna do colexio María Inmaculada para a mellora da seguridade dos pequenos, que contempla, entre outras medidas, a creación dun lombo e burro e a ampliación das beirarrúas no paso de peóns. Dentro deste plan, entra a carga e descarga pintada estes días que permitirá aos pais e nais deixar aos seus fillos sen interromper a circulación. O resto de actuacións acometeranse a medida que o vaia permitindo o orzamento.

· Cerrado de obras en construción: actualmente, a empresa das obras do casco urbano de Silleda, que segue a manter os valados sobre as beirarrúas (sitos na rúa Progreso e Morón) está embargada e pendente de resolución xudicial, polo que mentres esta situación continúe, nada pode facer o executivo local. Recordan que no caso similar que houbera en A Bandeira (edificio de Gulías), foi posible a retirada do cerrado no momento en que a obra foi adxudicada a unha entidade bancaria

· Reparación da boca de rego: este problema derivouse, como corresponde, ao servizos municipais e será arranxado no menor tempo posible.

· Recollida de lixo: a pesar de estar aprobada a ordenanza sobre os horarios de depósito de desperdicios no colector, non se vai a instaurar o sistema de horarios ata que se lle dea unha solución definitiva ao servizo de recollida de lixo, xa que, tal e como se comentou nos ultimos días nos medios de comunicación,estase a traballar para establecer que sistema interesa mais ao concello (externalización, servicio propio o provincial). Será entón cando se establezan de forma definitiva os horarios e condicións óptimas para un mellor servizo.

· Construción da rotonda: na última reunión mantida co presidente da Deputación de Pontevedra, plantexouse este tema, ao que contestou que a situación económica das administracións complicouse respecto da data da promesa, polo que ata dispoñer de capital, non se poderá levar a cabo, e aínda que as cousas non semellan sinxelas, comprometeuse coa rexedora de Trasdeza a non deixar de traballar nesta mellora.

· Sobre o mural de Carboeiro: trasladoulle a información facilitada polo Concelleiro de Cultura e Turismo, de que o mural neste momento atópase en dependencias municipais e, como xa se anunciou en diferentes redes sociais, ante a curiosidade dos membros de Olaia, cabe dicir que se repoñerá en breves, nun lugar con visibilidade, que actualmente se está a xestionar.

A Alcaldesa de Silleda agradeceu en nome de todo os membros do goberno á asociación Olaia a súa preocupación por este pobo e convidou persoalmente á presidenta a poñerse en contacto con ela cando precise calquera aclaración "quizais así, houbera comprobado que existen problemas, tanto xudiciais como de tramitación ordinaria ou económica, que impiden a celeridade que a todos nos gustaría ter, antes de lanzar mensaxes de falla de rigor".

E puxo como contrapunto á Asociación de Veciños de Taboada quen, simplemente presentou, un escrito reclamando ao Concello que se colocaran máis luminarias públicas e colectores de lixo na contorna das casas da estación de ferrocarril ao aumentar o número de residentes nesta zona. A Alcaldesa, contestoulles, que as limitacións económicas do concello son grandes e que os colectores deberan esperar, ao igual que na petición de Olaia, a que estea resolto o conflito de lixo, comprometéndose a colocalos se a disposición económica o permitira.

Sobre o alumeado, trasladouse a petición ao departamento de electricidade para que informe sobre a súa necesidade.

Ningún comentario: