A PISCINA MUNICIPAL DE BRIÓN OFRECE NOVAS ACTIVIDADES GRATUITAS: INICIACIÓN AO SALVAMENTO ACUÁTICO, ENTRENAMENTO FUNCIONAL E GAP
Durante os mes de marzo, os novos socios recibirán material deportivo de agasallo e os que asistan a cursos terán un vale de compra de 30 euros no comercio local
08 marzo de 2012. A piscina municipal de Brión ofrecerá durante este mes de marzo unha serie de actividades gratuitas para os seus abonados, que a día de hoxe superan as 1.200 persoas. “Trátase de actividades de dinamización e formación, que teñen lugar ao longo da semana”, explica Carlos Amado, responsable de Aquafit Gestión SL (empresa adxudicataria da piscina municipal brionesa).
Así, neste mes de marzo a piscina ofrece unhas xornadas de iniciación ao salvamento acuático e primeiros auxilios e dúas accións no ximnasio como son o Entrenamento Funcional e o GAP (Glúteo, Abdominal, Perna). O GAP é unha actividade de media hora nas que os alumnos fan circuitos de 40 segundos de duración nos que fan exercicios para traballar os glúteos, os abdominais e as pernas. No caso do Entrenamento Funcional trátase dun circuito moito máis amplo e trabállase todo o corpo.
Natación sincronizada e promoción do comercio
“O noso obxectivo é seguir ofrecendo estas actividades gratuitas de dinamización para aquelas persoas que se anotan aos cursos, polo que para o mes de abril xa temos pensado outro de iniciación á natación sincronizada”, adianta Carlos Amado. Ademais, para seguir fomentando a chegada de novos socios, cada novo aboado durante o mes de marzo recibirá un kit de material deportivo de agasallo (composto por gorro de baño, gafas e chanclas).
Así mesmo, cada socio que se inscriba nun curso recibirá de regalo un vale de compra de 30 euros para mercar no comercio local de Brión. Trátase da continuación da campaña posta en marcha o pasado mes de xaneito pola piscina municipal de Brión, en colaboración con dez locais brioneses, e que xa permitiu o reparto de vales de compra por valor de 2.000 euros.
Os comercios que participan neste convenio de colaboración coa piscina municipal son: Restaurante Casa Filiberto, Mesón-Asador Abelleira, Hotel Gastronómico Casa Rosalía, Adegas Santa Minia, Bebiños Puericultura, Solpor Deportes, Súper Couso, Comercio Rivas, Carnicería Blanco e Farmacia Eva Núñez.
Ningún comentario:
Publicar un comentario