Santiago – axenda sábado 10 e actuacións da policía local

Sábado 10

12.30 h

Na Galería Sargadelos, celebración do primeiro dos Concertos dirixidos ás familias compostelás “OS CANTOS DO PAÍS DO XEO”, que a Concellería de Educación organiza a través da Escola Municipal de Música.

17.00 h

Na praza Roxa, obradoiro de creación de broches cunha temática relacionada co Día da Muller. O taller está destinado a un público infantil, acompañado dos seus pais e nais.

21.00 h

No Teatro Principal, 'Chamada desde o máis alá' de Fusa Guillén dirixida por Lúa Testa nunha produción de Vilano Producións. Con Maite da Costa, Helga Méndez, Carlos Basoa e Fusa Guillén.

22.00 h

Na Sala Moon (República Arxentina, 25), actuación dos grupos Vizarros e Vicky Polard, dentro do festival 'MusiCompostela', actividade enmarcada no Plan de Acción Local na Prevención de Drogodependencias.

SERVIZOS PRESTADOS POLA POLICÍA LOCAL

(Desde as 08:00 h do día 8 ata as 08:00 h do día 9 de marzo).

ACCIDENTES

Nas últimas 24 horas o Equipo de Atestados da Policía Local rexistrou DOUS accidentes na cidade:

  • Ás 10.00 horas, produciuse unha colisión entre dous vehículos na rúa Fonte de Santo Antonio, con resultado de danos materiais.
  • Ás 18.50 horas, en Xoán XXIII houbo unha saída de vía, con danos materiais.

CONTROIS

Identifícase a varios mozos que se atopaban consumindo bebidas na vía pública na rúa Marques de Sargadelos e na rúa das Ameas.

   

Ningún comentario: