Teo – unidade didáctica sobre o entroido

A CONCELLO EDITA UNHA GUÍA DIDÁCTICA SOBRE O ENTROIDO, DÁNDOLLE CONTINUIDADE Ó TRABALLO REALIZADO CO SAN MARTIÑO

· A presentación deste material educativo realizarase no CEIP de Calo

· A unidade didáctica está coordinada pola edil de Educación, María Álvarez Garea

10 de febreiro de 2012. A concelleira de Educación, María Carmen Álvarez Garea, e o alcalde de Teo, Martiño Noriega, presentarán o próximo luns 13 de febreiro unha nova unidade didáctica para os escolares de infantil e primaria sobre o Entroido. Trátase dun novo exemplar do Educateo, que se editou por primeira vez con motivo do San Martiño, o pasado mes de novembro.

Neste caso, a concellería de Educación coordinou unha unidade didáctica e un cd multimedia sobre o Entroido galego en xeral e sobre a súa manifestación na comarca do Ulla co entroido dos xenerais en particular. A presentación á prensa deste traballo realizarase no CEIP da Igrexa-Calo, para que se poida ver o uso desta ferramenta multimedia por parte dos máis pequenos que son os verdadeiros destinatarios.

O acto coa prensa será ás 13:45 horas e durante a mesma a edil de Educación explicará como xurdiu a idea de realizar este material multimedia para traballar nos colexios e os obxectivos que se perseguen.

Convocatoria de prensa:

DÍA: 13 de febreiro.

HORA: 13,45 horas.

LUGAR: CEIP da Igrexa-Calo. Teo.

Ningún comentario: