Silleda – convenio para a prevención de incendios

O Concello de Silleda firmará un convenio de colaboración coa Consellería de Medio Rural para a prevención de incencios forestais

- Presentáronse 230 Ha ao programa que está totalmente subvencionado

Silleda, 9 de febreiro de 2012. A Concellería de Medio Rural e Medio Ambiente do Concello de Silleda firmará un convenio de colaboración coa Consellería do Medio Rural para a paticipación no programa de prevención de incendios forestais mediante a realización de tratamentos preventivos en vías, camiños e outras superficies forestais de titularidade municipal. Con este documento, o goberno local comprométese a xestionar a biomasa vexetal nas superficies da súa titularidade realizando traballos preventivos mecanizados nos estados arbóreos, arbustivo, e subarbustivo así coma labores de roza nas áreas de cortalumes.

Para cumplir con este programa, a Concellaría de Medio Rural empregará os medios do Concello: dous tractores funcionando a pleno rendemento durante toda a xornada e segundo o Concelleiro deste departamento, Antonio Couso “faríase incluso o desbroce de maneira manual cando a ocasión o requira, sobre todo en épocas de máximo risco”. Asemade, remarca que a limpeza de pistas non se limita ao prazo do convenio, senon que “é unha labor que se está a realizar durante todo o ano”.

Todos estes traballos preventivos a realizar, por este convenio, están subvencionados ao cen por cento pola conxellería, cun importe máximo de 130 € por hectárea, e comezarán unha unha vez firmado o acordo, e se contempla as mesmas datas que o ano pasado, é previsible que remate a principios de setembro.

As zonas de actuación prioritarias debe estimalas o Concello, e son aprobadas por un técnico da Consellaría do Medio Rural, dacordo co Progrma de Prevención do Distrito Forestal; no Concello de Silleda, acordouse presentar unha superficie total de 230 Ha nas que se levarán a cabo a limpeza. O Concelleiro de Medio Rural destaca que “prácticamente en todas as parroquias do termo municipal se realizarán este tipo de tarefas”.

O Concello de Silleda ven participando nestes convenios dende o ano 2007, aínda que sempre colaborou en todos aqueles que tiñan como obxectivo a prevención de incendios forestais. Segundo o Concelleiro de Medio Ambiente, Antonio Couso, “é imprescindible levar a cabo estas labores de desbroce para previr os incendios forestais que durante o periodo estival e de máis seca arrasan os montes galegos”.

Ningún comentario: