Silleda – esta tarde celébrase o obradoiro de cambio climático

Medio centenar de veciños acuden ao obradoiro sobre o cambio climático na Casa da Xuventude

O obradoiro “Fronte ao cambio climático” celebrarase de 18.00 a 20.00 horas na casa da Xuventude de Silleda. Este seminario, no que está previsto que participen arredor de medio centenar de persoas, pretende favorecer a implicación cidadá na loita contra o cambio climático promovendo actitudes, concienciando, e sensibilizando aos participantes ante esta grande problemática.

Hai 27 adultos inscritos, con idades que están comprendidas entre os 20 e os 65 anos, e 22 cativos con idades que van dende os 4 ata os 11 anos.

Hoxe é tamén a data límite para visitar a exposición “O noso mundo, o noso futuro, a nosa opción” na Casa da Xuventude de Silleda, que versa sobre o cambio climático. Esta mostra está promovida pola Consellería de Infraestructuras, Territorio e Medio Ambiente e organizada pola concellería de Medio Ambiente e polo departamento de Xuventude do Concello de Silleda.

Ao igual que o obradoiro, esta mostra está integrada no programa “Sostendo” e é unha exposición itinerante que seguirá a amosarse noutros concellos galegos a partir de mañá.

Ningún comentario: