PP Ordes - O Tribunal superior proclama o Partido Popular como a lista máis votada

A Sala do Contencioso-Administrativo do Tribunal Superior de Xustiza de Galicia desestimou o recurso interposto por Unión por Ordes (UXO) contra o Acordo de proclamación de electos do Concello de Ordes e proclama ao Partido Popular como a lista máis votada nas Eleccións Municipais do pasado 24 de maio neste concello coruñés. 

Cos sentenza coñecida hoxe conclúe definitivamente a sucesión de recursos interpostos polo alcalde en funcións do Concello de Ordes, Manuel Regos (primeiro ante a Xunta Electoral de Zona de Santiago, logo ante a Xunta Electoral Central, e finalmente o recurso contencioso electoral ante o TSXG, todos desestimados por falta de base xurídica) coa intención de retrasar a constitución da Corporación Municipal saída das urnas.

O PP, a lista máis votada

A sentenza do TSXG declara a “validez da elección e a proclamación de electos con expresión de que foi a lista do Partido Popular a lista máis votada no Concello de Ordes”, e desestimando a totalidade do recurso impulsado por UXO. 

Entre outros aspectos, a sentenza rexeita a repetición dos comicios na mesa electoral do Mesón do Vento, como reclamaba UXO. Nesa mesa electoral, sinala a sentenza, “entre os 14 votos nulos encóntrase un sobre baleiro, polo que cabe concluír que se computou como nulo o que en realidade era un voto en branco (art. 96.5 da LOREG). En calquera caso trátase dunha irregularidade non invalidante por non afectar ao resultado das eleccións e que, polo tanto, non esixen a medida interesada pola candidatura recurrente de repetición da elección na dita mesa, o que determina que tamén este motivo de impugnación teña que ser desestimado e con el a totalidade do recurso”.

Co sentenza do TSXG, a Corporación Municipal de Ordes quedará integrada definitivamente por 1 concelleiro do PSdeG-PSOE, 3 do BNG, 6 de UXO e 7 do Partido Popular.

Vedra - Constitución da nova corporación

Dende o Servizo de Novas do Concello de Vedra achegamos fotografía do momento do nomeamento como alcalde de Vedra a Don Carlos Martínez Carrillo,

da man da súa compañeira de equipo Dona María Xesús Piñeiro Caldelas (como membro de máis idade da corporación). O acto de presentación da nova corporación municipal desenvolveuse no Salón de Plenos do Concello de Vedra ás 11 h e nel o Secretario Municipal foi o encargado de conducir o acto polo que queda instaurada a nova Corporación Municipal.

Ames - Constituida a nova corporación

Onte desenvolveuse o pleno de constitución da nova corporación municipal do Concello de Ames. José Miñones converteuse no novo alcalde de Ames co apoio dos 13 concelleiros e concelleiras pertencentes aos grupos políticos do PSdeG-PSOE, Ames Novo, Contigo Pódese e BNG. Despois de realizar a votación para ditaminar o novo alcalde, o rexedor saínte Santiago Amor, foi o encargado de entregarlle o bastón de mando ao novo alcalde de Ames, José Miñones. A sesión plenaria celebrada na Casa da Cultura de Bertamiráns contou cun gran número de persoas que se achegaron a coñecer ao novo alcalde e aos concelleiros e concelleiras que forman a nova corporación municipal.

O pleno de constitución da nova corporación comezou poucos minutos despois das 11:30 horas da mañá. A mestra de cerimonias durante a primeira parte do acto foi a secretaria municipal, Rosa Ana Prada Queipo, que abriu o acto convocando aos dous concelleiros/as que constituíron a mesa de idade: a decana do pleno, María Jesús Bóo Feijóo, e a máis xoven, Ana Ruso Valiña.

As dúas foron as encargadas de testemuñar o xuramento ou promesa dos outros 19 concelleiros/as electos/as, que foron subindo ao escenario de un en un para expresar o acatamento á Constitución. Como tales, os 21 concelleiros foron sentando nas cadeiras que estaban colocadas no escenario do auditorio da Casa da Cultura de Bertamiráns. Tralo xuramento de todos os concelleiros/as a corporación municipal queda formada do seguinte xeito: 4 concelleiros/as do Partido Popular, 4 concelleiros/as do do PSdeG-PSOE, 4 concelleiros/as de Ames Novo, 3 concelleiras de Contigo Pódese, 3 concelleiros/as de Pacto por Ames, 2 concelleiros/as do BNG, e 1 concelleiro de Ciudadanos.

A continuación, realizouse unha votación nominal na que cada concelleiro e concelleira tivo que votar por algún dos candidatos á Alcaldía. Pilar Candocia de Ames Novo, David Santomil do BNG e Genma Otero de Contigo Pódese renunciaron a ser candidatos á Alcaldía, polo que houbo catro candidatos: Santiago Amor, José Miñones, Ramón García Argibay e Francisco Javier López. Finalmente saíu investido como novo alcalde de Ames, José Miñones co apoio dos 13 concelleiros e concelleiras pertencentes aos grupos políticos do PSdeG-PSOE, Ames Novo, Contigo Pódese e BNG. Santiago Amor tivo 4 votos, Ramón García Argibay 3 votos e Francisco Javier López obtivo 1 voto. 

Despois de realizar a votación para ditaminar o novo alcalde o rexedor saínte, Santiago Amor, foi o encargado de entregarlle o bastón de mando ao novo alcalde de Ames, José Miñones. Por último, os voceiros do grupos municipais con representación na nova corporación municipal tiveron ocasión de dedicarlles unha palabras ao público asistente. A partir de agora empeza a contar o prazo dun mes para que se desenvolva o denominado pleno de organización, no que se definirán as distintas concellarías, o reparto das delegacións da alcaldía e a representación do Concello noutros organismos.

Touro - Constituida a nova corporación

Ignacio Codesido foi nombrado hoxe alcalde de Touro no pleno celebrado onte na sede consistorial de Touro.

O alcalde foi investido co apoio do voto dos oito concelleiros do seu grupo do Partido Popular. Xoán Antón Louzao, do BNG, recibiu dous votos, e Gemma López, do PSdeG-PSOE, tivo o seu propio voto. O PP conta con maioría absoluta no pleno do Concello. Pasadas ás 12.00 horas foi proclamado alcalde de Touro, Ignacio Codesido, que destacou que seguirá traballando polos veciños e veciñas de Touro. Asegurou que está a disposición dos habitantes do Concello y, pese ás limitacións que poidan existir no eido económico, manifestou que seguirá comprometido con seu Concello. Tamén aproveitou para dar a benvida aos novos concelleiros que integran a corporación municipal. 

Figuran por primera vez como concelleiros Xoán Antón Louzado e Sandra Beis, do BNG, e Victoria Pazos, do Partido Popular. A nova corporación está composta por oito concelleiros do PP (Ignacio Codesido, Jesús Martínez, Alfredo Souto, Adela Iglesias, María Josefa Codesido, Manuel Puga, Raúl Miguez e Victoria Pazos) dous do BNG (Xoán Antón Louzao e Sandra Beis) e unha concelleira do PSOE (Gemma López).

Oroso - Constiuida a nova corporación

Manuel Mirás tomou posesión de novo como alcalde de Oroso no pleno de constitución da corporación que se celebrou este mediodía. O candidato socialista recibiu o apoio dos sete concelleiros do seu grupo, maioría absoluta na cámara. As demais formacións votáronlles aos seus respectivos candidatos. 

No discurso posterior á toma de posesión, o rexedor manifestou que agarda unha tarefa “difícil pero ao mesmo tempo ilusionante” no novo mandato. Mirás anunciou que os piares básicos para estes catro anos serán a promoción económica, as infraestruturas viais, a ordenación do territorio e a extensión dos servizos de abastecemento e saneamento. Súmanse ao ensino, o deporte, a cultura e o benestar social, que protagonizaron o mandato recén rematado e seguirán estando nas prioridades do executivo de Oroso. 

No ámbito da promoción económica, Mirás situou como retos o desenvolvemento por fases do polígono San Martiño II, paralizado por mor da crise económica e dentro duns meses con moito máis atractivo para as empresas e os emprendedores grazas á apertura do enlace sur da AP-9.

En canto ás infraestruturas viarias, o alcalde de Oroso expuxo que seguirá insistindo en que o Ministerio de Fomento repare a N-550 e os seus viais paralelos de servizo, á vez que reforzará a petición da variante de Sigüeiro “proxectada desde hai tempo e que esperamos que nos vindeiros catro anos cando menos comecen as expropiacións e se licite o proxecto, estancado desde 2010”. En canto á rede viaria local, Mirás expuxo que proseguirá o plan de mantemento intensivo e que se asfaltarán novas pistas de concentración parcelaria que unan núcleos de poboación, como a que vai desde Ponte Arderís a Castiñeiro Redondo. 

O principal cometido no relativo á ordenación do territorio é a revisión do Plan Xeral de Ordenación Municipal (PXOM), que leva dez anos vixente. “O noso obxectivo é poder amplialo onde faga falta e reducilo onde non faga falta -asegurou Mirás- para que desta maneira os propietarios paguen menos contribución, recoller todos os núcleos que quedaron fóra de ordenación en 2005 e programar novos equipamentos onde sexa necesario”. 

E no que respecta aos servizos de abastecemento e saneamento, a intención do executivo municipal é amplialos polas zonas rurais. Non obstante, Mirás precisou que será “moi difícil” se non hai apoio financeiro da Xunta, o Gobierno de España e a Unión Europea. Neste sentido, reclamou para o Concello os 85.000 euros anuais que recada a Xunta polo canon da auga. Preguntouse “onde mete o goberno galego o diñeiro que vía canon nos cobra a todos os veciños” e expuxo que se o recibise o Concello nuns seis anos podería executar todas as infraestruturas hidráulicas. 

O remate dos accesos ao novo colexio de Sigüeiro e á nova escola infantil, ademais de melloras na xa existente, serán as principais actuacións en ensino. En deportes, manterase o apoio aos clubes e intentarase conseguir novas infraestruturas como un campo de fútbol-7 e un novo pavillón deportivo. En cultura, Mirás aspira a un “salto de calidade” que precisa novas instalacións, como o Centro Cultural de Oroso, xa en trámites, e un auditorio, para o que en breve se comezará co proxecto e a busca de financiamento. E en canto aos servizos sociais, Oroso seguirá de momento na Mancomunidade de Ordes “como medida de eficiencia económica” que permite contar con servizos como o Centro de Información á Muller ou a Atención Temperá. 

Nova corporación

A nova corporación de Oroso constituíuse con total normalidade e co salón de plenos ateigado de veciños e veciñas. Comezouse por conformar a mesa de idade, ocupada por Manuel Siverio Mirás, concelleiro electo de Son de Oroso-Anova, como o membro de máis idade, e Alexánder Doval, concelleiro electo do PP, como o máis novo. 

Acto seguido, os distintos concelleiros foron tomando posesión do cargo, optando pola fórmula da promesa os representantes do PSOE e os de Anova e BNG, estes dous co matiz do imperativo legal, mentres que os edís do PP escolleron o xuramento para a asunción da nova responsabilidade. 

A continuación procedeuse á elección de alcalde. E para rematar, tras a intervención do rexedor, o secretario do Concello deu conta aos integrantes da corporación do arqueo de contas, con 838.125,27 euros a data de 12 de xuño, e do Inventario de Bens do Concello, valorado en 42.388.306,27 euros.

Os integrantes do pleno de Oroso, de acordo cos resultados das pasadas eleccións municipais do 24 de maio, son:

Manuel Mirás Franqueira (PSdeG-PSOE)

Vanesa Boo Martínez (PSdeG-PSOE)

Antonio Leira Piñeiro (PSdeG-PSOE)

Beatriz Rodeiro Fernández (PSdeG-PSOE)

Luis Rey Villaverde (PSdeG-PSOE)

María del Carmen Liste Raña (PSdeG-PSOE)

Eduardo Veiras Rey (PSdeG-PSOE)

Alexander Doval Expósito (PP)

Josefina Iglesias Banco (PP) 

Silvia Suárez García (PP)

Pablo Parga Villaverde (PP)

Manuel Siverio Mirás Liñares (SON de Oroso-Anova)

Xosé Manuel Pérez Penas (BNG-Asembleas Abertas)

Brión - Constituida a nova corporación

José Luís García García tomou esta mañá posesión como alcalde de Brión, cargo que ocupa por novena lexislatura consecutiva dende que gañara as primeiras eleccións democráticas de 1979 (seis delas como independente e as tres últimas como candidato do PSdeG-PSOE). Tras votación en urna, José Luís García foi elixido cos 9 votos a favor dos concelleiros socialistas, fronte aos 2 rexistrados polo voceiro do PP, José David García Arcos, e os 2 votos obtidos polo voceiro do BNG, Xesús Pena.

Na súa primeira intervención como alcalde, Xosé Luís García amosou o seu agradecemento “a todos os veciños e veciñas de Brión pola súa participación e comportamento nas eleccións do 24 de maio, así como aos nosos votantes, concelleiros que hoxe me acompañan e ao persoal do Concello, cuxo traballo exemplar fai que o labor feito fose todo un éxito de xestión sen que entrasen ningún tipo de ideoloxía no seu quefacer diario”.

O alcalde brionés asegurou que “os piares sobre os que se asentaba o noso programa electoral son dende xa os eixos do noso programa de Goberno”. Así, José Luís García indicou que “nestes tempos de dificultade temos que estar moi atentos e ao lado dos nosos veciños, sobre todo dos máis necesitados, aumentando o gasto social e mantendo o investimento produtivo para facer todo o que estea nas nosas mans para fomentar a creación de emprego”.

Así mesmo, José Luís García quixo tamén “tender a man aos grupos da oposición. O diálogo, aínda que sexa dende posturas discrepantes, será sempre o que presida este Goberno. Estou disposto a chegar a acordos en todos os asuntos que beneficien aos veciños e veciñas de Brión”. García, só pediu “atopar este mesmo talante entre os grupos da oposición e que se evite calquera tentación de caer na crítica destrutiva ou na demagoxia”.

Desenvolvemento do acto

O secretario municipal foi o encargado de dar inicio á sesión, que foi presidida polas concelleiras de maior idade, María del Carmen Rey Túñez, e a máis nova, Yolanda Bouzas Alfonsín, ambas do PSdeG-PSOE. Acto seguido, os trece concelleiros electos xuraron ou prometeron os seus cargos (os 9 concelleiros socialistas optaron pola fórmula de prometer o cargo, os dous concelleiros do BNG prometeron “por imperativo legal” e os dous concelleiros populares elixiron xurar o cargo). A votación do alcalde resolveuse na primeira volta, ao obter José Luís García o apoio dos 9 concelleiros do seu grupo, mentres que populares e nacionalistas optaban por votar ao seu respectivo candidato.

A anécdota da xornada estivo protagonizada por un erro do secretario municipal que, cando chamou aos concelleiros para a xura/promesa do cargo por orde alfabética, saltouse ao concelleiro do PP José David García Arcos, que tampouco se percatou da circunstancia ata que o secretario chamou a José Luís Sampedro dicindo que era “o último”. Avisado do erro, García Arcos xurou o seu cargo e Sampedro pechou a rolda de xuramentos.

Composición da corporación

Deste xeito, a corporación brionesa queda composta do seguinte xeito:

José Luís García García. PSOE

Yolanda Bouzas Alfonsín. PSOE

José Luís Sampedro Bouzas. PSOE

María Guarina Rey Vázquez. PSOE

María del Carmen Rey Túñez. PSOE

María Rosa Romero Fariña. PSOE

Jesús Quintela Vázquez. PSOE

José Pedro Cambón Fernández. PSOE

Francisco Javier Blanco Sánchez. PSOE.

José David García Arcos. PP

Patricia Agrafojo Lois. PP

Xesús Pena Espiña. BNG

José Luís Penas Corral. BNG

Frades - Constituida a nova corporación

Roberto Rey Martínez tomou posesión como alcalde de Frades para os vindeiros catro anos durante un acto celebrado esta mañá nun salón de plenos cheo por primeira vez na lexislatura. “A ver se a xente se anima e vén máis ao resto de sesións”, apuntou Rey Martínez tras ser elixido alcalde cos oito votos a favor do Partido Popular, mentres que os 3 concelleiros do BNG apoiaron ao seu candidato, Xosé María Pérez Lagos.

Roberto Rey agradeceu o respaldo obtido polos veciños e veciñas de Frades nesta primeira vez na que encabezaba unha lista electoral e mencionou especialmente tanto á súa familia, presente na sesión, como ao traballo realizado polos concelleiros e militantes do seu partido. Rey Martínez comprometeuse a “gobernar para todos os veciños e veciñas de Frades” e tendeu a man ao BNG para traballar polo benestar da veciñanza. “A miña porta sempre estará aberta tanto para a oposición como para os veciños e veciñas de Frades”, apuntou.

Roberto Rey animou aos concelleiros que se estrean nesta lexislatura, “espero que veñan tempos mellores e teñamos unha boa lexislatura”, e agradeceu tamén o traballo realizado polos concelleiros que abandonan este ano a corporación, en especial a Miguel Prado Patiño, alcalde de Frades os últimos 25 anos.

Corporación

Así, a corporación municipal de Frades para os próximos 4 anos queda constituída do seguinte xeito:

Roberto Rey Martínez (alcalde). PP

María de los Ángeles Álvarez Carro. PP

Jesús Miguel Prado Cea. PP

Jesús Francos Sánchez. PP

Ramón Garabato Boga. PP

Óscar Botana Rúa. PP

Manuel Ferreiro Marzoa. PP

Juan Carlos Portos Bra. PP

Xosé María Pérez Lagos. BNG

Nelly Iglesias Rey. BNG

Lorena Suárez Pardo. BNG

Lindeiros - Resultados municipais 2015 na área de Compostela

Un escenario moi complicado é o que se abre en moitos concellos da bisbarra; ainda que a cidadanía apostou en xeral por cambio a gran cantidade de forzas que se presentaron fai que a gobernabilidade pase en varios casos por coalicións de 3 partidos ou gobernos en minoría que non parecen a priori moi estables. En este escenario é de destacar o apoio recibido por Compostela Aberta que consegue ser a forza máis votada o que convirte a Martiño no próximo alcalde de Santiago e o fai vendo como en Teo se mantén a posibilidade de gobernar pese a súa marcha. pero sin duda en donde estarán postos os focos é en concellos como Ames ou Padrón, concellos con 7 forzas políticas na corporación e un número posible de pactos tan aberto que fai moi difícil saber que sucederá.

				Cerceda
						Ordes
					Tordoia		Frades
		Santa Comba
			Val do dubra	Trazo		Oroso
		A Baña
				Santiago De Compostela		O Pino	Arzúa	Melide
Negreira							Touro
			Ames
		Brion			Boqueixón
				Teo			Vila de Cruces
			Rois		Vedra
Noia
		Lousame		Padrón
							Silleda
					A Estrada			Lalín

Ateneo de Santiago - Reflexión sobre as eleccións

O Ateneo de Santiago celebrará mañá luns, día 25 de maio, ás 20.00h no local habitual da Rúa do Vilar, 19, unha reflexión sobre o resultado das Eleccións Municipais. No debate “As Municipais en Compostela 24 horas despois” intervirán D. Miguel Anxo Bastos, profesor das facultades de Políticas e Ciencias da Comunicación, D. Xaime Leiro, xornalista deEl Correo Gallego, e D. Domingos Sampedro, cronista político de La Voz de Galicia.

Ames - Transporte adaptado para as eleccións municipáis

O Concello de Ames pon á disposición das persoas con dificultade de mobilidade un vehículo especialmente habilitado para que poidan participar nas eleccións municipais domingo 24 de maio de 2015. Este transporte adaptado ofrece o servizo de recollida no seu domicilio, traslado ata a mesa electoral e regreso ao seu domicilio.

O vehículo dispón de nove prazas para persoas sentadas e dúas prazas para cadeiras de rodas. Polo tanto o microbús do servizo de transporte adaptado municipal dispón dun total de once prazas. O vehículo complétase coa condutora e a auxiliar de transporte que axuda a todas as persoas usuarias a subir e baixar do vehículo.

As persoas interesadas deberán poñerse en contacto cos encargados da xestión do transporte chamando ao teléfono gratuíto 900 204 000. Para facer a reserva do servizo haberá que chamar ata o venres 22 de maio, en horario de 9:00 a 14:00 horas. Deste xeito todas as persoas que sufran algún tipo de minusvalía disporán dun servizo de recollida no seu domicilio, transporte ata a mesa electoral e regreso ao seu domicilio.

Con este servizo preténdese facilitar a vida diaria e o exercicio de dereitos, neste caso do dereito democrático ao voto, a todos aqueles veciños afectados por unha minusvalía física que lles impide o seu desprazamento en vehículo propio ou transporte público non adaptado.

Teo - Debate entre 3 dos catro candidatos a alcaldía

O salón de plenos do Concello de Teo acolle un debate entre tres dos catro cabezas de lista ás eleccións locais do 24 de maio. O encontro será mañá sábado 16 de maio ás 12:00 horas no salón de plenos municipal e dende as formacións políticas animan á cidadanía a asistir e participar coas súas preguntas e suxestións. Este debate retrasmitirase por streaming dende a web municipal premendo no banner En directo que aparece na marxe dereita da páxida de inicio de teo.gal.

O encontro contará coa presenza de Manuel Anxo Fernández, candidato á alcaldía do BNG-Asambleas abertas, Uxía Lemus, candidata á alcaldía do PSdeG-PSOE e de Rafael Sisto, candidato á alcaldía por SondeTeo-Anova. O candidato do Partido Popular, José Manuel Guerra, decidiu non participar neste debate. 

Os/as acaldables realizarán unha intervención inicial de dez minutos no que farán unha exposición das liñas principais do seu programa de goberno. A continuación abrirase unha quenda para as preguntas do público asistente.

BNG Trazo - Presentación candidatura

O BNG-Asembleas Abertas de Trazo presenta a súa candidatura este domingo, 17 de maio, nun acto público ás 18:00h no Centro Social de Viaño Pequeno (antiga casa consistorial). No acto intervirá Ana Pontón, deputada no Parlamento Galego, ademais de Martín Leis, cabeza de lista e a número dous da candidatura, Lucía Noya. No transcurso do mesmo ademais de presentar aos membros da candidatura explicarán as principais propostas da candidatura para o Concello de Trazo.

Desde o BNG-AA de Trazo teñen como ideas claves na súa proposta para o goberno do Concello construír un goberno para todos e todas no que a veciñanza participe máis alá dunha vez cada catro anos; un concello activo que promova os seus sectores produtivos; un concello no que vivir e gozar cun programa cultural e deportivo que o manteña vivo; ao servizo da xente para o cal crearán e recuperarán servizos necesarios e actividades para a veciñanza; e un concello que tome como puntos claves e vitais a sanidade e as infraestruturas.

Para iso, para levar a cabo un programa con eses eixes básicos, presenta unha candidatura renovada, que combina xuventude e experiencia e que ten ganas, ilusión e forza para transformar o concello.

A candidatura é a seguinte:

1. MARTÍN REI LEIS. 24 anos. Rematando enxeñería de Obras Públicas e ciclo de imaxe.

2. LUCÍA NOYA CASAS. 23 anos. Está na Asociación Cultural A Aldraba de Trazo, así como no grupo de Investigación (GEXAFD - Grupo de Estudos de Xénero da Actividade Física e Deportiva) da súa Facultade (INEF) e na Asociación de Estudantes de Educación Física de dita Facultade (AESEF).

3. XOSÉ MARÍA FERNANDEZ PIÑEIRO. Hostaleiro

4. CÉSAR BOQUETE VARELA. 37 anos. Carpinteiro autónomo. Mestre de percusión na Asociación Cultural Brisas do Quenllo

5. VANESA REY LEIS. 26 anos. Diplomada en enfermaría con mestrado en atención sanitaria, xestión e coidados. Actualmente parada.

6. ROBERTO BARRAL NOYA

7. CRISTINA CASTELAO DE LA FUENTE

8. IVÁN PORTOS BALSA

9. MARÍA BEATRIZ GONTA SOBRINO

10. MARISOL PEREZ OTERO

11. CARLOS BOQUETE SÁNCHEZ

Psoe O Pino - Denuncia do carrusel de obras en campaña

O PSdeG-PSOE de O Pino criticou hoxe o “carrusel de obras” iniciado polo goberno municipal a escasos días das eleccións municipais.

“Un frenesí difícil de entender e de xustificar, que só se pode entender como unha acción electoralista cando levamos tres anos e medio de parálise, sen unha soa obra no concello a excepción das financiadas polo POS da Deputación da Coruña”, afirmou a candidata á alcaldía da localidade, Begoña Pampín, que censurou “as présas de última hora” do goberno de Manuel Taboada “para intentar xustificar o que foron catro anos perdidos para O Pino”.

Entre as obras iniciadas nas últimas semanas, os socialistas destacan a do local social de Castrofeito que suporá un investimento de máis de 300.000 euros que consideran “inncesario”, pois xa existía un edificio con valor histórico e arquitectónico que podería albergar o local, e “excesivo, tendo en conta que o resto dos locais sociais do municipio están abandonados”.

Pampín considerou que a realización de obras no termo municipal “é positivo sempre que supoñan unha mellora para os veciños”, pero apuntou que éstas deben facerse “con planificación e sentido durante toda a lexislatura” e non “nas últimas semanas do mandato, só co obxectivo de conseguir un puñado de votos”

BNG Val do Dubra - Presentación da candidatura

O BNG-Asembleas Abertas de Val do Dubra convoca un acto público hoxe xoves 14 de maio no que presentarán o seu programa e a súa candidatura para as vindeiras eleccións municipais. Será ás 21.00h na Casa da Cultura de Bembibre e nel intervirán Judith Viqueira, candidata nº 2; Rafael Mouzo, ex-alcalde de Corcubión; Adrián Dios, membro da Executiva Nacional do BNG; e Hadrián Grille Negreira, Candidato á alcaldía de Val do Dubra.

Desde o BNG-Asembleas Abertas de Val do Dubra propoñen como ideas claves para o goberno do Concello fomentar un Val do Dubra mellor valorado, cunha veciñanza orgullosa do seu concello; con vida propia e actividades de dinamización social; un concello de todos e todas, transparente, democrático e participativo e no que se poida convivir, con espazos públicos atractivos e tamén con riqueza, centrándose no seu agro e monte e con medidas de apoio para que a xente poida seguir vivindo destes sectores.

Para iso, para levar a cabo un programa con eses eixes básicos, presenta unha candidatura renovada, que combina xuventude e experiencia e que ten ganas, ilusión e forza para transformar o concello.

A candidatura é a seguinte:

HADRIÁN GRILLE NEGREIRA 

JUDITH VIQUEIRA DÍAZ 

ANA GARCÍA GARCÍA 

XOSÉ MANUEL IGLESIAS IGLESIAS 

MARÍA DO CARME GRILLE NEGREIRA 

NEL VIDAL BARRAL 

MÓNICA PINTOS MARTÍNEZ 

ÁLVARO PUENTE GRILLE 

MARGARITA OTERO GONZÁLEZ 

XOSÉ MANUEL CORNES SUÁREZ 

SUSANA GRILLE NEGREIRA

Psoe Santiago - A Xunta electoral esixe a retirada dunha nota informativa despois da denuncia do Psoe

A Xunta Electoral de Zona de Santiago de Compostela vén de requerir á persoa responsable orgánica e funcionalmente do Departamento de Prensa do Concello de Santiago para o "cese inmediato da difusión da nota informativa de data 9 de maio de 2015 sobre a instalacións dunha zona axardinada na rúa Fonte dos Concheiros, baixo o apercibimento de incorrir nun delicto de desobediencia á autoridadedo artigo 556 do C.P., á marxe da posible infración electoral, absténdose no sucesivo durante o período electoral de difundir calquera información alusiva a proxectos e logros municipais". Deste xeito, a XEZ de Santiago aceptaba onte -e comunicaba hoxe- a denuncia presentada pola candidatura do PSdeG-PSOE sobre unha información facilitada dende o Departamento de Prensa do Concello de Santiago publicada o pasado 9 de maio, que para os socialistas constituía unha utilización electoralista do mesmo por parte do Partido Popular.

Como subliña a Xunta Electoral, a nota informativa supón unha campaña de logros prohibida no artigo 502 da LOREG, ao utilizar un medio de difusión ai servizo da Administración Local, financiado con cargo aos orzamentos da mesma, para facer chegar a un número indefinido de cidadanás dentro do período electoral unha información sobre o inicio dunha obra pública que "entra dentro das competencias municipais, non admite crítica ,nin a controversia, nin respecta os principios do pluralismo político e igualdade de acceso", ao tempo que "non é imprescindible para a salvagarda do interese público nin para o correto desenvolvemento dos servizos públicos".

Comunicación da Xunta electoral de zona

Adjunto remito copia de lo acordado por esta Junta Electoral de Zona en reunión de día 12 de mayo del presente año:

IV.- Punto cuarto del orden del día: denuncia presentada D. Joaquín Buergo del Río, representante de la candidatura del Partido de los Socialistas de Galicia-Partido Socialista Obrero Español (PSdeG-PSOE) sobre información facilitada desde el Departamento de Prensa del Concello de Santiago en “Nota Informativa” sobre la instalación de una zona ajardinada en la rúa Fonte dos Concheiros.

            Esta JEZ considera que la nota informativa publicada por el Concello de Santiago sobre el comienzo de los trabajos para la instalación de una zona ajardinada en la rúa Fonte dos Concheiros, en el marco de las actuales elecciones municipales, supone una campaña de logros prohibida por el art. 50.2 de la LOREG al haber utilizado un medio de difusión al servicio de la Administración local, financiado o con cargo a los presupuestos de la misma, para hacer llegar a un número indefinido de ciudadanos dentro del período electoral una información sobre el inicio de una obra pública de ámbito local que entra dentro de las competencias municipales, que no admite la crítica, ni la controversia ni respeta los principios de pluralismo político e igualdad de acceso y que no es imprescindible para la salvaguarda del interés público ni para el correcto desenvolvimiento de los servicios públicos (Instrucción 2/2011, de 24 de marzo de la JEC).

Por lo que, sin apertura de expediente sancionador, siguiendo el criterio mantenido por algún acuerdo de la JEC (Ac 29/09/2011),  al margen de que constituirá una importante demora (al preverse legalmente el acuerdo de incoación con nombramiento de instructor y secretario, práctica de pruebas y actuaciones conducentes al esclarecimiento de los hechos, propuesta de resolución, notificación, alegaciones y resolución) que permitiría que perdurase el acto infractor vaciando de contenido la prohibición establecida en el art. 50 de la LOREG, y que ello no impide que se obtenga la tutela de la Administración electoral ya que al declarar una infracción electoral ya consumada aquella se traduce de forma principal e inmediata en la medida inhibitoria consistente en la prohibición de mantenimiento de la conducta infractora, decide requerir a la persona responsable orgánica y funcionalmente del Departamento de Prensa del Concello de Santiago -por cuanto debía y podía haber evitado la difusión del citado proyecto en período electoral, bien dando las oportunas directrices a quienes materialmente configuran la información, o bien ejerciendo una labor de vigilancia y control sobre su contenido antes de su efectiva publicación- para el cese inmediato de la difusión de la “NOTA INFORMATIVA” de fecha de 9 de mayo de 2015 sobre la instalación de una zona ajardinada en la rúa Fonte dos Concheiros; bajo apercibimiento de incurrir en un delito de desobediencia a la autoridad del art. 556 del C.P, al margen de la posible infracción electoral, absteniéndose en lo sucesivo durante el período electoral de difundir cualquier información alusiva a proyectos o logros municipales.”.

Por lo que por el presente se le requiere a fin de que se cese inmediatamente en la difusión de NOTA INFORMATIVA de fecha 9 de mayo de 2015, sobre la instalación de una zona ajardinada en la rúa FONTE DOS CONCHEIROS, bajo apercibimiento de incurrir en un delito de desobediencia a la autoridad del art. 556 del Código Penal, al margen de la posible infracción electoral, absteniéndose en lo sucesivo durante el período electoral de difundir cualquier información alusiva a proyectos o logros  municipales. 

Ames Novo - Solicitude dun debate na Radio Municipal

Ames Novo pediu hoxe un debate na radio pública municipal entre tódolos candidatos á Alcaldía. A candidata de AN, Pilar Candocia, demandou hoxe que a emisora pública municipal cumpra o seu papel de información plural á cidadanía a convoque a tódolos candidatos ao Concello a un debate plural.

Segundo explicou Candocia, é un dos obxectivos da radio municipal suscitar este tipo de espazos de debate e información á cidadanía, de xeito que todos os amesáns e amesás coñezan “de primeira man pola emisora de radio que financian cos seus impostos” as propostas e programas coas que os partidos concurren ás eleccións municipais.

Ames Novo reclama polo tanto que a radio municipal convoque este debate nun espazo público do Concello no que podan ademáis asistir e participar todos os veciños e veciñas que o desexen.

Pacto X Ames - Propostas para o comercio

Dende Pacto X Ames apostamos por unha dinamización comercial 2.0, coa creación dunha plataforma enlazada á web municipal como guía comercial constantemente actualizada, en colaboración e apoio ás asociacións de empresarios e comerciantes.

Co propósito de apoiar ó comercio amiense, dende o Concello ofreceremos unha colaboración máxima nos eventos propostos por ditas asociacións, 

como é o caso da Feria do Comercio. 

Esta actividade podería complementarse con feiras sectoriais e mostras específicas, potenciación da gastronomía e hostalería… e todo tipo de actos desta índole, que teñen un gran poder de dinamización e repercuten nun aumento do consumo e un relanzamento do comercio. 

Tamén favorecemos a realización de ciclos ou concertos en cafés de grupos locais, de nova creación, monólogos, etc, para promocionar o talento local ó tempo que se potencia o consumo nos lugares que os acollan, que recibirían apoio por parte do Concello. 

Asesoramiento profesional a negocios e tendas

Dende Pacto x Ames ofreceremos asesoramento profesional ós negocios e tendas de Ames, para potenciar a súa viabilidade económica e financieira.

Prestaremos un servizo acompañado por unha plataforma on-line, un teléfono dispoñible, e un servizo de asistencia para dar o apoio necesario nas áreas imprescindibles dun pequeno negocio. 

Impulsaremos tamén as subvencións nominativas para axudar ás asociacións de comerciantes e empresarios na súa tarefa.