Melide, 30/06/2016 - Os socios do motoclube Milli Riders
están actualmente inmersos na organización da IV concentración moteira de
Melide que dará comezo este venres día 1 de xullo cunha recepción para todos os
inscritos ás 20.00 h
Seguirá o evento cun programa moi activo: ruta en moto polo casco urbano da vila, cena de confraternidade e posteriormente todos os que así o estimen oportuno poderán desfrutar da actuación do cantautor Ricardo Parado, quen versiona a Joaquín Sabina e outras voces do panorama español.
O sábado é o prato fuerte da concentración. Haberá
actividade dende o mediodía, cando se programou unha ruta moteira pola comarca
coa saída ás 15.00 h da tarde do Cantón de San Roque da vila. A tarde está
previsto un show no Cantón de San Roque ás 17.30 h así como un show acrobático
da man do mellor acróbata neste campo. A actuación estelar será Burning, todo
un icono do rock nacional e sempre valorado polas persoas vinculadas ao
movemento moteiro.
Entre as novidades desta concentración está a elaboración
dunha paella xigante para máis de cincocentos comensais así como un simulador
de moto GP para todos os inscritos sito no Cantón de San Roque. A alcaldesa de
Melide, Dalia García, agarda unha gran afluencia de motoristas este fin de
semana xa que a concentración moteira de Melide vai collendo máis nome ano a
ano o que é evidente polo aumento do número de participantes. Por outra banda,
a organización dí ter altas expectativas de asistentes nesta edición xa que é
unha cita obrigada a primeiros de xullo no que se acercan a desfrutala non so
motoristas da comarca, provincia ou da nosa comunidade autonóma senon incluso
de diferentes puntos de España.

Ningún comentario:
Publicar un comentario