O pleno de Ordes aproba o mantemento
da oficina do rexistro da Propiedade como oficina liquidadora de tasas e
impostos
Na
sesión o popular o Luis Caamaño tomou posesión do cargo de concelleiro
O turno de debates abriuse co punto cuarto
da orden do día na que se defendía o mantemento da oficina do Rexistro da
Propiedade de Ordes como oficiña liquidadora de diferentes tasas e impostos. Un
apoio que dende o equipo de Goberno se xustificou tanto pola súa labor de
asesoramento e punto informativo, como polo beneficio económico que supón para
o texido comercial e hosteleiro da vila. Pola súa banda o PP solicitou o
mantemento destas dependencias pero eximíndoas das funcións relacionadas coas
transaccións económicas. Os 10 votos a favor de UXO, PSOE, BNG e CIDEGA e as
abstencións do PP traducíronse nunha aprobación da moción presentada polo
Goberno ordense.
Outra moción que prosperou por 9 votos foi
a presentada polos socialistas, na que se solicitaba un descenso do 5% das
asignacións que reciben os concelleiros pola súa asistencia ás comisións
informativas ou xuntas de goberno. Contou cos votos do PSOE, UXO, CIDEGA e cas
abstencións de PP e Bloque. Precisamente estas dúas formacións viron como se
rexeitaba a urxencia de debatir as súas propostas sobre este mesmo tema. Os
populares, entre outras modificacións, solicitaban unha asignación de 60 euros
pola asistencia a este tipo de comisións mentres que o BNG defendía o uso do
voto ponderado para reducir o número de asistentes e dietas por convocatoria. A
voceira Silvia Marín quiso destacar que “a corporación de Ordes é das poucas
que tan só mantén unha dedicación exclusiva, a do alcalde, o que supón uha
actitude coherente cos tempos de crise que atravesa o país”.
Unha vez maís volveuse a falar da rolda
leste, máis concretemente da rotonda de auga que dende a súa inauguración está
instalada na N 550 á altura da entrada do polígono industrial de Merelle e da
estrada que une Ordes con Cerceda. Por unanimidade decidiuse reclamarlle ó
Ministerio de Fomento a inmediata construcción deste enlace e finalizar coa
provisionalidade existente, así como a correcta finalización da seguda fase
desta rolda con dirección a Cerceda.
Manuel
Regos, alcalde de Ordes, solicitou que a moción presentada polo PSOE en defensa
do sector leiteiro e dos prezos do leite se ampliase ea todos os grupos e que
se presentara como tal. Un chamamento que foi atendido por todos e que o PP
pediu que se ampliase tamén ó sector cárnico.
Por 9 votos a favor (UXO, BNG, PSOE) e as
abstencións dos populares e CIDEGA, os nacionalistas viron aprobada a súa
proposta na que se reclamaba á Xunta que rexeitase a reducción de concelleiros
e de competencias das corporacións municipais. Os nacionalistas criticaron
enérxicamente á actuación das deputacións ás que tildaron de partidistas e de
favorecer ós concellos gobernados polo PP. Cifraron en 400 millóns o aforro no
caso de ser suprimidas e de agravio contra o pluralismo político no caso de ver
reducido o número de ediles. Outra moción presentada polo BNG facía referencia á
execución inmediata de varias obras incluidas no POS. Unha proposta que non
prosperou xa que estas intervencións realizaranse en breve seguindo os prazos
estipulados pola Deputación , ademáis de estar todavía dentro do prazo
permitido.
Pola súa banda o PP demandou obras de
mellora no polideportivo Campomaior, unha infraestructura municipal empregada
polos alumnos do centro académico que leva o mesmo nome. A moción non prosperou
xa que tal e como defendeu Marín dende o Concello se leva demendando
insistentemente dende hai anos á Xunta unha serie de obras de mellora de
urxencia no centro académico que conlevarían a construcción dun ximnasio e
outras infraestructuras como cubertas e un comedor entre outras. Unha demanda
que continúa levándose a cabo tanto por parte de UXO, como do PSOE e BNG. A
edil destacou tamén que con presuposto municipal xa se acometeron obras no
centro escolar, en exercicios anteriores, para beneficio dos alumnos.
Ningún comentario:
Publicar un comentario