O BNG ESIXIRÁ AO ALCALDE QUE CUMPRA CO ACORDO DO PLENO
PARA A REACTIVACIÓN DA “MOVIDA ORDENSE”
-
Cinco meses despois de que o Pleno aprobase a iniciativa do BNG para crear unha
comisión, con participación do concello e dos hosteleiros, co obxectivo de
reordenar e facer máis competitivo este sector, o alcalde ainda non ten
convocado a mesma.
-
Gonzalo Castro lamenta que “o alcalde se
negue a apoiar as iniciativas do sector hosteleiro para reactivar o sector do
ocio nocturno en Ordes”.
Gonzalo Castro, portavoz
municipal do BNG de Ordes, anunciou que o seu partido esixirá no Pleno deste
xoves que o alcalde dea cumprimento ao acordo do Pleno da Corporación
Municipal, que a iniciativa do BNG, “aprobou impulsar unha comisión con
participación de todos os grupos políticos con presenza na Corporación e dos
representantes dos hosteleiros, para aprobar un Plan de Reactivación do sector
do ocio nocturno en Ordes”.
O portavoz do BNG manifestou
que “o alcalde, 5 meses despois dese acordo, segue sen convocar esa comisión
para dar solucións e apoio institucional a un sector moi importante para a
economía local”.
Castro salientou que “resulta
lamentábel que as iniciativas que está a desenolver o sector da hosteleria non
conten co apoio expreso do Concello de Ordes, pola desidia do seu alcalde”.
O
portavoz do BNG manifestou que “Ordes atópase práticamente a medio camiño
entre A Coruña e Santiago, e posue establecementos de primeiro nível, coa
emblemática discoteca LP45 á cabeza, isto constitue un potencial que hai que
aproveitar, para iso é necesario modernizar a oferta, reiventarse e facer unha
aposta clara pola calidade, e o goberno municipal debe implicarse para poñer en
valor este gran potencial”.
Para Gonzalo Castro “a
comisión deberá aprobar un Plan de Reactivación da Movida Ordense, tendo en
conta as propostas do sector da hosteleria, que deben ser apoiadas polo
Concello, coa elaboración de campañas de promoción do ocio nocturno en Ordes,
baseadas a estratexia de captación de visitantes na aposta pola calidade, a
diversificación de ofertas de ocio e a programación de eventos”.
Iniciativa
dos hosteleiros para ordenar os horarios
O portavoz do BNG ordense
amosou a súa satisfacción “pola
iniciativa dos hosteleiros de ordenar os horarios e rematar co solapamento entre os distintos tipos de locais, colaborando
para impulsar a movida en torno ao motor da mesma, a discoteca LP45”.
Ningún comentario:
Publicar un comentario