Silleda - os impostos para as obras menores terán tarifas unitarias


A ordenanza que regula o ICIO incluirá tarifas unitarias para as licenzas de obra menor
-A proposta, que se debatirá no pleno de hoxe, non varía  as taxas existentes, que se manteñen no 2.25% do orzamento das obras. Só engade un anexo cos novos prezos para calcular o orzamento que debe presentarse á hora de solicitar licenza de obras menores

-“Con esta medida pretendemos que o pagamento do Imposto sobre Construccións, Instalacións e Obras sexa máis xusto e que paguen o mesmo aqueles que cumpren a normativa  que os que manipulan os orzamentos á baixa para pagar menos”, sinala a alcaldesa e concelleira de Urbanismo, Paula Fernández Pena
 A orde do día do pleno de hoxe inclue tamén a modificación da ordenanza que regula o Imposto sobre Construccións, Instalacións e Obras (ICIO). O prezo público, fixado nun 2,250 % sobre o orzamento das obras  non se varían “para que non supoña un impedimento a quen desexe construir” pero si se inclue na normativa  municipal un anexo cunha serie de tarifas unitarias para as licenzas de obras menores. A través destas tarifas, as persoas que soliciten unha licenza de obra menor  poderán calcular o orzamento de execución das obras.
Con esta iniciativa,  a alcaldesa e responsable do departamento  de Urbanismo, Paula Fernández Pena, explica que se busca un pagamento “máis xusto deste imposto, xa que non é de recibo que uns cumplan a lei e outros manipulen á baixa o orzamento da obra a realizar para pagar menos impostos”, engade.
Esta homexeización das taxas está tamén ligada ás medidas postas en marcha ao principio da lexislatura para que todos aqueles veciños regularicen as súas obras e tramiten a correspondente licenza municipal, por pequena que sexa a actuación,  para evitar denuncias entre particulares  “e que todas as obras se realicen dentro do marco legal”, engade a rexedora. A ordenanza inclue tamén unha serie de bonificacións. Así, ademais  da    bonificación  do  95%  da  cota  do  imposto para obras declaradas de especial interese ou utilidade municipal por concorrer circunstancias sociais, culturais, histórico-artísticas ou de fomento de emprego que xustifiquen tal declaración ou a do 50% para as vivendas  de protección autonómica,  a normativa inclue  novos descontos.
Haberá bonificacións do 25% para as obras que favorezan as condicións de acceso e habitabilidade dos discapacitados/as en edificacións xa existentes,  salvo cando a eliminación de barreiras arquitectónicas  sexa obrigatoria  a tenor da normativa específica vixente en cada momento.

“Cremos que se trata dunha iniciativa que mellorará o funcionamento do departamento de Urbanismo e sobre todo, dará máis equidade aos veciños e veciñas de Silleda á hora de abonar as taxas por licenzas de obras menores”, engade a rexidora. Paula Fernández incide en que se mantén o tipo de gravame, debendo pagar os solicitantes das licenzas o 2,25% do orzamento de execución material, igual que ata o de agora, “sobre todo tendo en conta os tempos que estamos a vivir, e a situación de sectores coma o da construcción”, sinala.





ANEXO. PREZOS DAS PRINCIPAIS ACTIVIDADES CONSTRUTIVAS. OBRAS MENORES

PRECIOS DAS PRINCIPAIS ACTIVIDADES CONSTRUTIVAS_ Obras menores
ALBANELERÍA


Formigón en masa
99,19
€/m3
Soleira
24,31
€/m2
CARPINTERÍA


Porta de entrada
288,30
€/ud
Porta interior
117,83
€/ud
Fiestra
161,54
€/m2
Fiestra en plano de tellado
167,43
€/m2
Fronte de portal
129,37
€/m2
CUBERTAS


Demolición de cuberta de fibrocemento
2,76
€/m2
Demolición de cuberta de tella
5,04
€/m2
Cuberta de fibrocemento
20,34
€/m2
Cuberta de tella
33.34
€/m2
Substitución de tella por fibrocemento
19,03
€/m2
Substitución de tella por tella
34,62
€/m2
Substitución de tella por fibrocemento e tella
46,39
€/m2
DEMOLICIÓNS


Demolición de muros
16,38
€/m2
Demolición de tabiques
9,74
€/m2
Levantado de solainas
5,71
€/m2
Picado de azulexados e revestimentos
7,62
€/m2
Demolición de forxados
96,23
€/m2
Demolición completa
4,17
€/m2
DEPURACIÓN


Fosa séptica e pozo filtrante
1369,5
€/ud
Fosa de xurro
285,81
€/m2
GALPÓNS


Galpón de bloque ou ladrillo
155,94
€/m2

PRECIOS DAS PRINCIPAIS ACTIVIDADES CONSTRUTIVAS_ Obras menores
INSTALACIÓNS


Instalación en aseo (sen aparatos)
167,43
€/ud
Instalacións en baños (sen aparatos)
220,69
€/ud
Instalación de cociña
190,18
€/ud
Inodoro
205,43
€/ud
Bañeira
182,58
€/ud
Instalación de electricidade
1369,5
€/ud
MOVEMENTO DE TERRAS


Escavación de gabias
14,04
€/m2
Escavación de vaciados
4,55
€/m2
Recheo de gabias
24,33
€/m2
Recheo a ceo aberto
13,66
€/m2
Carga e transporte de terras a vertedoiro
7,00
€/m2
MUROS DE CONTENCIÓN


Muro de contención de mampostería
154,67
€/m3
Muro de contención de formigón armado
124,37
€/m3
PECHES DE PARCELAS


Malla metálica sobre dúas fiadas de bloque revestido con morteiro e pintado
39,39
€/m
Malla metálica de 1,5 m de alto
13,56
€/m
Muro de fábrica de granito 2 caras vistas
252,84
€/m3
Muro de fábrica de granito 1 cara vista
231,58
€/m3
Muro de bloque de formigón para revestir por ambas caras, altura 1 m
55,36
€/m
PINTURAS


Pintura interior
4,53
€/m2
Pintura exterior
9,25
€/m2
TUBOS PARA PASO


Tubo de paso para entrada a fincas
46,16
€/m


Ningún comentario: