Ordes - máis de 70 rapaces participan nas actividades de conciliación do concello


Obradoiros culturais, deporte e actividades ó aire libre destacan no programa municipal de verán de conciliación
Máis de 70 rapaces e rapazas entre 3 e 12 anos participan de luns a venres neste programa, que combina a didáctica e a integración con aspectos lídicos

  Máis de 70 rapaces e rapazas con idades comprendidas entre os 3 e os 12 anos están a desfrutar e aproveitar o verán ó máximo grazas ás actividades de conciliación. Un programa lúdico e didáctico emprendido polo Concello de Ordes e que se desenvolve de luns a venres durante os meses de xullo e agosto coincidindo coas vacacións estivais.

     O local social municipal é o escenario habitual para os máis cativos. Alí están a desenvolver estas semanas un particular viaxe pola historia da humanidade que os está a levar pola Prehistoria, a Idade Media, Moderna e Contemporánea, así como por lugares e culturas tan influintes como a grega, a romana ou a exipcia. Para elo contan cun compañeiro moi especial que todos adoptaron rápidamente como a súa mascota. Leonardo é un cocodrilo que sempre está presente nas súas viaxes virtuais e imaxinarias. Festas de disfraces, construcción de pirámides, brazaletes ou sarcófagos, realización e pinteado de cabaliños de Troia, etc, con algunhas das actividades  realizadas ata o momento.

     Por outra banda as instalacións do colexio Campomaior albergan as actividades dos usuarios de 6 a 12 anos. Unhas xornadas nas que a actividade física, os obradoiros e o deporte ocupan a maior parte do seu tempo.

     Ambos grupos coinciden a lo menos unha vez á semana nas actividades que teñen lugar ó aire libre. Neste caso a piscina municipal situada no Campo da Feira, o paseo fluvial e os parques municipais son os escenarios habituais

Ningún comentario: