Psoe Negreira – cursos nas parroquias

Cursos nas parroquias
Dín que “Non hai peor xordo que o que non quere oír e cego que non quere ver”. E nesto é no que se está a converter o actual grupo de dirixentes que desgoberna o noso Municipio, sendo a xordera e a ceguera, os seus principais defectos, aparte da inacción e a apatía.
Transcorridas apenas dúas semanas da catastrófica xestión na posta en marcha dos obradoirosal. Tra-lo comprensible malestar e enfado feito público e explícito dos principais afectados e participantes de dito programa ós que se lle impuxeron uns horarios imposibles e incompatibles coas súas rutinas e modos de vida, obrigándoselles a aboar unhas taxas altamente elevadas en comparación co resto de actividades ofertadas en aras dunha “suposta igualdade de condicións para todos e todas” contemplamos que unha vez máis o “ONDE DIXEN DIGO, DIGO DIEGO” e AQUÍ NON PASOU NADA son as principais máximas deste grupo do Des-Goberno.
Así e non gracias precisamente, nin ó sentido común, nin moito menos ó arrepentemento por parte de ningún dos máximos responsables, senón a simple imposición dos feitos e da propia realidade: os horarios tan cacareados que ían ter lugar todos pola mañá, despois de todos os desgustos e lóxica incomprensión ante a falta de explicacións, así como se nada pasan á tarde, como xa dende un principio estiveron e nunca deberon cambiar, feito do que era plenamente consciente a nosa agrupación.
A tenor desto xúrdennos varios interrogantes, que como nos casos anteriores estamos seguros que terán a calada por resposta. Así:
¿Onde quedaron por tanto Sres do PP e do PBN esas ansias de equiparar dereitos e procurar a igualdade para todos? E agora e unha vez constatados os feitos, e sendo sabedores de que hai uns grupos de veciños que asisten nun horario e outros noutro, ¿Por qué non cambiar todos os obradoiros en horario taciturno (de tarde) sen existir agravios comparativos entre os mesmos?, ¿Con qué argumentos e a quén van responsabilizar agora do fracaso total e intencionado de determinados núcleos, en concreto Lueiro, Zas e Campelo (nos cales, nin sequera o equipo gobernante era coñecedor de sí existían locais acondicionados para tal fin) onde aseguraron formar grupos?, e agora unha vez máis, a realidade tozuda se impón dándonos totalmente a razón. ¿ Como explican vostedes a baixa considerable de usuarios nas actividades, na gran maioría das parroquias, entre elas Alvite, Bugallido, Gonte, Landeira, Marcelle, ou como no caso de Aro, onde de dous grupos se pasa a un só?, ¿Sabían vostedes “personalidades”, ou impórtalles acaso, que en varios sitios a xente con tal de non pagar, moitas veces porque non pode, tivo que prescindir das clases e cambialas por ximnasia ou memoria, xa que por estes obradoiros non teñen que aboar ningunha cantidade?, ¿Debido a qué razón, “xa que queremos tanta igualdade” nuns sitios non poden desfrutar das mesmas oportunidades, que noutros, existindo antes un abano amplo e variado entre o que eles podían optar libremente, como é o caso de ximnasia (lugares onde esta non se imparte, están ansiosos por recibir esta disciplina)?, e agora vénse obrigados a elexir … ¿E ante esta situación, como van estructurar o tempo e as xornadas adicadas a ditas actividades sendo conscientes, ou xa deberían de selo, do absoluto fallo do plan inicial? Se é que había plan?, xa que planificar implica, previsión, ter en conta todolos factores e amosar interese polos mesmos e todo o proceso.. e está visto que vostedes non seguiron ningún.
Pero sen dubida o peor de todo, é a indiferencia, a total indolencia e absoluto desprezo que ante o fallo e a equivocación, descobre unha pasmosa incapacidade para poñer solución ou reparar o mal feito. Así, ante as innumerables queixas, dubidas e confusión que lóxicamente se lle presentan á xente, a resposta por parte do Concellal de turno é de rotunda negativa a da-la cara e dar as explicacións oportunas.
Preto de 300 persoas co Goberno do PSdeG-PSOE DE NEGREIRA, puideron beneficiarse e desfrutar de todas as innumerables bonanzas que teñen estas actividades para a súa vida persoal, familiar e social, nun contexto de distensión, armonía e ledicia onde eran tratados con consideración e respecto, posto que as súas necesidades, intereses e desexos eran coñecidos de primeira man polas persoas encargadas de xestionar e dirixir estas. Agora, en tan só cinco meses da entrada destes novos xestores máis dun centenar de persoas non asisten a estes obradoiros, e o peor de todo: teñen a real sensación de que non importa e que eles non son importantes. En definitiva, ¿E así “señores mandatarios” como vostedes entenden as políticas sociais e a súa preocupación polo benestar das persoas? ¿Ou será acaso este o famoso aforro do que vostedes tanto presumen? So que o aforro é simplemente nos usuarios: nada mais
Dende o Grupo Municipal Socialista lamentamos dita situación, en especial o perxuízo e o dano que dun xeito totalmente intencionado están sofrendo os nosos veciños, que inxustamente e moi lonxe de desfrutar, aprender e vivir están preocupados e anguriados polas mentiras e calumnias verquidas por uns. Pola nosa parte, simplemente queremos dicirlles que estamos ahí, que non están sós e que defenderemos as súas necesidades e intereses ante quén sexa. Con respecto ós que están ahí no sillón, advertirlles que seguimos vixiantes, pendentes e controlando permanentemente todo o que se faga, e que velaremos porque non se pase por riba da xente, en especial se se trata dos dereitos das persoas deste Concello, aínda que para algúns non valan nada ou moi pouco