BNG A Estrada – falta de avance na democratización do rural

O BNG lamenta que non se avance na democratización do rural, unha vía que abriu o BNG no último mandato coa aprobación do Regulamento de Participación Cidadá

A Estrada, 21 de outubro de 2011: Logo da presentación pública e nomeamento dos representantes do Alcalde nas parroquias, o BNG mantén a defensa doss Consellos Parroquiais como as únicas entidades lexítimas para defender os intereses destas perante o goberno municipal.

A través do seu portavoz municipal, Xosé Magariños, o BNG indicou que “oss ConsellosParroquiais son elixidos pola parroquia, e neste sentido, sobre eles deben pivotar todas as demandas dos veciños e veciñas do rural”. “Por exemplo, deberían ser oss Consellos Parroquiais, e non os pedáneos, os que indicaran que puntos de luz hai retirar, dentro do plan de aforro enerxético que leva a cabo o goberno municipal, porque son os membros destas xuntas os que, no momento oportuno, terán que dar conta das súas decisións perante todos os veciños e veciñas da parroquia, e non os pedáneos que só dan conta das súas decisións perante o Alcalde”, explicou Xosé Magariños.

“Por outra parte,” manifestou o portavoz do BNG, “a figura do pedáneo sempre estivo vinculada á cor política do Alcalde, e á defensa dos intereses do partido do alcalde, no canto dos intereses do veciños e veciñas da parroquia, o que non axuda nada á convivencia democrática no rural e a que as decisións que afecten ás parroquias sexan secundadas por todos e todas.”

“O BNG,”, engadiu o concelleiro nacionalista, “lamenta que non se avance na democratización do rural, unha vía que abriu o BNG no último mandato coa aprobación do Regulamento de Participación Cidadá, e que regula estas entidades de participación cidadá, entre outros asuntos”.

Ningún comentario: