- As actuacións de restauración están integramente asumidas pola Dirección Xeral do patrimonio cultural, órgano adscrito a Consellería de Cultura e Turismo ascendendo o total do orzamento a 178.457, 57 €.
- Trátase do acondicionamento do Camiño Francés ao seu paso pola parroquia de Santa María de Melide. Entre as actuacións que se contemplan neste proxecto de restauración son a limpeza do Cruceiro románico e o acondicionamento dunha zona de descanso.
Melide, 21 de outubro de 2011.- A Dirección Xeral do Patrimonio Cultural dependente da Consellería de Cultura e Turismo vai acometer unha serie de actuacións para a restauración do Camiño Francés cara Santiago de Compostela ao seu paso por Santa María de Melide. Entre as obras que se van acometer que terán un custo total de 178.457, 57 € asumidas integramente por dito organismo, destaca o soterramento da liña de electricidade que descorre pola zona, a limpeza do Cruceiro románico, así como o hormigonado da zona de descanso e de toda a praza de Santa María menos o acceso ao atrio da igrexa e a base do Cruceiro, zonas que serán acondicionadas con chapa cuña. Así mesmo, dentro deste proxecto contemplase a creación dunha área de descanso provista de bancos e papeleiras co fin de coidar a estética do Camiño de Santiago e prestar servizo tanto a veciños como a peregrinos que a miúdo descorren pola zona. A alcaldesa de Melide, Ánxeles Vázquez xunto coa concelleira de obras e servizos, Rosa Cabado, están a coordinar todas as actuacións necesarias dende o Concello de Melide para que as obras transcorran con total normalidade para os veciños da zona e poidan crear os menores inconvenientes posibles. Así mesmo, a alcaldesa de Melide, destaca o beneficioso deste proxecto para Melide e para a riqueza arquitectónica da vila, restaurando e acondicionando un dos lugares do Camiño Francés que posúe máis beleza ao seu paso por Melide.
Ningún comentario:
Publicar un comentario