NO CONCELLO DE TEO CELÉBRANSE ACTIVIDADES EN LEMBRANZA DA FIGURA DE ANXEL CASA
O programa de actos deste 2012 alóngase durante catro días consecutivos nos que haberá cinema, música, actividades infantís e a tradicional ofrenda floral a Ánxel Casal.
A proxección da película Vilamor abrirá as actividades na praza Braña dos Alféreces (Montouto) o xoves 16 de agosto ás 22 horas.
O filme
Vilamor, dirixido por Ignacio Vilar e protagonizado por Rubén Riós e Sabela
Arán, será a cabeceira de actos en lembranza de Ánxel Casal do presente ano no
Concello de Teo.
A película, cunha dilatada rodaxe polas salas galegas cunha notoria
afluencia de público, proxéctase agora ao aire libre nunha experiencia que
procura achegar o cinema galego e en galego a un público moi amplo nas noites
de verán.
Esta actividade chega ao Concello de Teo por medio de Redecinema, un
programa da Rede de Dinamización Lingüítica da Xunta de Galicia.
O venres 17 de agosto a partir das 19 horas continúa o programa de actos
con actividades infantís asistidas por monitores na praza dos Carballos, tamén
no Montouto.
O sábado 18 de agosto chega a hora da música cun concerto a cargo da Banda
da Sociedade Recreativa de Calo. Será ás 20 horas na praza da Estivada da Ribeira,
Montouto.
Por último, para cerrar este programa de actos, o domingo 19 de agosto ás
20.30 horas terá lugar o acto institucional e a tradicional ofrenda floral
diante do monolito dedicado a Ánxel Casal na praza da Estivada da Ribeira
(Montouto – Cacheiras).
Con esta serie de actos o Concello de Teo e a Asociación A Oliveira
tratan de manter vivo o recoñecemento a Ánxel Casal (A Coruña 1895-Cacheiras
1936), quen destacou polo seu labor como editor e político. Foi o último
alcalde republicano da cidade de Santiago e militou no Partido Galeguista dende
a súa creación. Tras o triunfo do levantamento do 18 de 1936 de xullo foi
detido e paseado o 19 de agosto. O seu corpo apareceu ao carón da estrada
en Cacheiras, onde hoxe un monolito lembra a súa memoria.

Ningún comentario:
Publicar un comentario