O concelleiro de Obras e Servizos, Manuel Cuíña, explica que se
comezou por esta localidade ante a proximidade das festas, e que os traballos
continuarán por todo o territorio municipal
Operarios da empresa Celta Prix, adxudicataria do servizo de recollida de lixo
en Silleda, comezaron hoxe o lavado dos colectores instalados nas rúas da
Bandeira. Estas tarefas, incluídas no contrato coa empresa, continuarán a
partir do luns día 20 noutras localidades do municipio “onde se lavarán todos
os colectores”, engade o concelleiro de Obras e Servizos e alcalde en funcións,
Manuel Cuíña.
O feito de comezar pola vila da Bandeira responde á próxima celebración
das festas de verán, que comezan xa o vindeiro xoves. As tarefas de lavado
continaurán a partires da vindeira semana posiblemente no casco urbán de
Silleda para seguir polo resto das parroquias.
“O
lavado dos colectores é moi importante como complemento no servizo de recollida
de lixo”, explica Manuel Cuíña, que engade que este ano as tarefas se
extenderán a todos os colectores, “un paso importante, tendo en conta que en
2011 só se procedeu á limpeza dos que estaban situados nos cascos urbanos”,
engade o concelleiro.
Ningún comentario:
Publicar un comentario