Silleda – ingreso de máis de 26000 euros para preveción de incendios

Silleda percibe 26.550 euros de Medio Rural polo convenio para a prevención de incendios forestais

-Limpáronse un total de 205 hectáreas de vías e camiños municipais

Silleda, 9 de decembro de 2011. O Concello de Silleda vén de ingresar un total de 26.550 euros aportados pola Consellería de Medio Rural en virtude do convenio para a Participación na Prevención de incendios forestais coa realización de tratamentos preventivos en vías, camiños e outras superficies de titularidade municipal. Segundo explica o concelleiro de Medio Rural, Antonio Couso, este ano procedeuse á limpeza dun total de 205 hectáreas (calculase que cada hectárea equivale a 2 kilómetros de desbroce) en todo o termo municipal. Con estes 26.505 euros (130 euros por hectáreas) sufragaranse, segundo fixa o convenio, os custes dos 4 operarios que participaron nas tarefas, gastos de gasoil e mantemento da maquinaria. Así mesmo, houbo actuacións en todas as parroquias do municipio.

Onde máis tramos se limparon foi en Moalde (cun total 18,30 hectáreas); Laro (18,10 hectáreas); Escuadro (16,27); Mánduas (17,10); Dornelas (13,50); Silleda (14,50), Taboada (10,50 hectáreas) e Lamela (9,50).

Ningún comentario: