O pleno de Ordes votará este xoves
unha modificación puntual do plan parcial do parque empresarial de Merelle
Con esta medida preténdese favorecer
a implantación de naves nesta área
Ordes
24 abril 2012. A corporación
municipal de Concello de Ordes celebrará o vindeiro xoves ás 14 horas a sesión
plenaria ordinaria correspondente ao mes de abril. Con motivo da inauguración
da segunda fase da rolda leste, que terá lugar este mesmo día ás 20 horas, o
horario desta sesión tivo que ser modificado, polo que non se poderá realizar
pola tarde tal e como ven sendo habitual.
Entre os
puntos máis importantes destaca a modificación puntual do plan do plan parcial
do parque empresarial de Merelle. Deste xeito preténdese favorecer e axilizar a
implantación de novas empresas nesta área industrial. Outro aspecto destacado é
o cuarto punto da orde do día, o cal aborda a creación e delegación da xestión
e administración da sede electrónica do
Concello. Un requisito indispensable de cara á tramitación on line de
trámites coa Deputación da Coruña por parte dos funcionarios municipais.
Ningún comentario:
Publicar un comentario