A feira multisectorial e de
maquinaria agrícola Expoordes 2012 abre as súas portas con máis de 60 stands
Centos de visitantes asistiron á
inauguración na primeira das súas xornadas,
especialmente adicada ós empresarios e autónomos
Ordes
27 abril 2012. Centenares de
persoas entre veciños, veciñas e visitantes non quiseron perderse a
inauguración esta n oite de Expoordes 2012. Santiago Freire Abeijón, alcalde de
Lousame e diputado provincial responsable da área de Promoción Económica
cortaba a cita inaugural en compañía do alcalde de Ordes, Manuel Regos. Abríase
así oficialmente o recinto feiral, que nesta XXIII edición conta con máis de 60
stands de empresas, firmas comerciais, institucións e asociacións.
Como xa é
costume esta primeira xornada estivo adicada a todos os empresarios e autónomos
do Concello. Tras unha primeira visita polos stands e polas distintas zonas de
exposición todos eles se dirixiron ás instalacións da piscina municipal, onde
degustaron un viño español co que foron agasallasdos por parte do Concello. Alí
Santiago Freire manifestou a súa satisfacción e sorpresa ó atoparse “cun evento
de tal magnitude e calidade”. Pola súa banda Manuel Regos agradeceu a
colaboración prestada pola Deputación e solicitoulle todo o apoio posible “para
que a seguinte edición deste evento poida ser unha realidade”. Apostou por
Expoordes como “un bo xeito de facer negocio e para ver aumentado o consumo
dentro do Concello, e non só nos establecementos hosteleiros”, asegurou o
alcalde.
Dende mañá
sábado e ata o domingo a cita desenvolverase no Campo da feira, onde se
habilitaron máis de 1.800
metros cadrados cubertos por carpas. Sectores como os da
alimentación, automoción, construcción, náutica, moble, medioambiental,
deportivo, mecánica ou textil estarán presentes un ano máis nesta cita que cada
ano ve aumentar non só o número de participantes senón tamén os de visitantes.
“As cifras de Expoordes poñen de manifesto a saúde coa que conta a feira. O ano
pasado contabilizáronse máis de 30.000 visitantes, unha cantidade que esperamos
superar nesta nova edición”, manifesta o alcalde de Ordes, Manuel Regos.
A xornada
de mañá sábado prestará especial atención á Mancomunidade de municipios da
comarca de Ordes e á diversidade funcional. Un total de dez asociacións e
organizacións estarán presentes no recinto para amosarlle ó público todas as
actividades e traballos que levan a cabo en favor dos seus socios e usuarios. O
mesmo día o Museo do traxe Juanjo Linares acollerá a terceira edición das
xornadas ‘A discapacidade hoxe’. Un ciclo de conferencias relativas a
problemáticas de índole cognitiva, física ou intelectual que contará con
representantes e dirixentes das principais asociacións e organizacións de
discapacitados.
6.000 quilos de champiñóns
O domingo 29 non só será a última xornada da feira
senón que tamén é o día escollido levar
a cabo a degustación gratuita de champiñóns polos establecementos da zona. Un
total de 6.000 quilos repartiranse entre bares e restaurantes para que, unha
vez preparados de distinto xeito, poidan ser servidos gratuitamente con cada
consumición.
Como en calquera festa que se prece a
música non pode faltar para acentuar o ambente festivo. Neste caso o grupo de
gaitas Os Viqueiras de Ordes e a charanga Ruada serán os responsables desta
labor.
Ningún comentario:
Publicar un comentario