Ábrese o prazo de
inscrición para participar no programa Benestar en Balnearios destinado á
terceira idade
Silleda, 27 de abril de
2012. O prazo para poder
participar nas xornadas Benestar en Balnearios acaba de comezar e rematará o
vindeiro 11 de maio.
Este é
un programa da Consellaría de Traballo e Benestar, co que colabora a Concellaría
de Benestar e Igualdade que dirixe Dolores García, no municipio de Silleda.
Benestar
en Balneario, que leva convocándose dende hai varios anos, pretende contribuír
ao mantemento da autonomía das persoas maiores, facilitándolles a posibilidade
de gozar duns días de descanso, de forma divertida e con tratamento termal, e
ocupar o tempo libre dun xeito activo e positivo.
Nesta
ocasión, ofertantes 720 prazas para toda Galicia, e hai un total de trece
balnearios para elixir onde pasar a estadía de dez días e nove noites, con
aloxamento, manutención e animación sociocultural, todo incluído nun prezo que
oscila entre os 300 e os 400 euros por persoa.
Os
solicitantes deben ser maiores de 65 anos, ou maiores de 60 e ser pensionistas,
e poden ir acompañados dun cónxuxe que non precisa cumplir estas condicións;
asemade, deben residir en Galicia e atoparse en condicións de participar no
programa valéndose por si mesmos para as actividades da vida diaria.
Outro
requisito a cumprir é non padecer ningún tipo de enfermidade que afecte á normal
convivencia, nin superar uns ingresos persoais de 763,60 euros.
No
Concello de Silleda, quen o desexe, pode inscribirse nas dependencias de
Servizos Sociais emprazadas no Centro Social dos Maiores, no antigo ambulatorio,
onde tamén poden obter máis información.
Ningún comentario:
Publicar un comentario