Teo - publicación dos admitidos nas escolas infantís municipáis

O CONCELLO DE TEO PUBLICA AS LISTAXES PROVISIONAIS DE ADMITIDOS NAS ESCOLAS INFANTÍS MUNICIPAIS PARA O CURSO 2012-2013

·        O prazo para presentar reclamacións comeza este sábado e remata o 30 de abril

·        As listaxes están dispoñibles na páxina web municipal e no taboleiro de anuncios do Concello

20 de abril de 2012.- O Concello de Teo publica este venres as listaxes provisionais de solicitudes admitidas para a adxudicación de prazas nas escolas infantís municipais de Calo, da Ramallosa e dos Tilos. Todas as persoas interesadas poderán presentar reclamacións desde mañá sábado 21 de abril ata o vindeiro 30 de abril, dentro do procedemento que rematará coa publicación das listaxes definitivas entre o 25 e o 31 de maio.

As listaxes xa están expostas no taboleiro de anuncios municipal e na páxina web do Concello www.concellodeteo.com. Todos os interesados poderán presentar reclamación se aprezan incorreccións nos datos da solicitude ou se se produciu calquera erro ou omisión. As reclamacións deben presentarse no rexistro xeral do Concello mediante unha instancia que acompañe a xustificación documental suficiente. As persoas que queiran consultar o seu expediente tamén poden acudir ao departamento de Servizos Sociais, en horario de 9 a 14 horas.   

O Concello lembra ademais que esta publicación non abre o prazo de matrícula, xa que este só comezará cando se produza a publicación das listaxes definitivas.

Procedemento extraordinario para o presente curso

Por outra parte, nun procedemento distinto ao anterior, tamén está xa exposta a listaxe de admisión de novas solicitudes de praza para o presente curso 2011-2012  no procedemento extraordinario de acceso ás escolas infantís municipais. Do mesmo xeito, exponse a listaxe de agarda. As dúas están dispoñibles tamén na web municipal.