A ESCOLA MUNICIPAL DE MÚSICA MAGARIÑOS ORGANIZA O
PRIMEIRO CICLO DE MÚSICA E CINE,
QUE ESTARÁ ADICADO A JOHANN SEBASTIAN BACH
As dúas sesións terán
lugar os días 4 e 11 de maio, ás 21:00 horas, na Aula 6 do centro
27 de abril de 2012. A escola municipal de
música Magariños organiza o I Ciclo de Música e Cine, que este ano estará
adicado a Johann Sebastian Bach. Un ciclo que incluirá dúas proxeccións os
venres 4 e 11 de maio, ás 21:00 horas, na Aula 6 do centro. A entrada é libre e
de balde ata completar aforo.
A sesión do 4 de maio incluirá a proxección do
documental "Glenn Gould, The Alchemist", gravado en 1974 en
Toronto (Canadá). Un filme que lle dá a oportunidade a Glenn Gould, un dos
intérpretes máis fascinantes e idiosincráticos do século XX, de expoñer moitas
das súas teorías arredor da visión máis completa do home é a súa obra.
Na segunda sesión, o venres 11 de maio, exporase
a película "Mi nombre es Bach", que narra o encontro histórico
que tivo lugar en Postdam en maio de 1947 entre un J. S. Bach casi cego e no
final dos seus días e o xoven emperador Federico II, amante da música do
anciano compositor. A aproximación entre o artista e o monarca remata sembrando
a discordia entre a corte e Bach
Ningún comentario:
Publicar un comentario