O deterioro e degradación de inmobles no casco vello é un problemática que incide na seguridade dos transeúntes, na estética urbana e na imaxe penosa que proxectamos cara o padronés , visitante e turista en xeral, e senta precedentes na política de laissez faire que se está a practicar por non combatelo feismo e a ruína que se estenden por tódolos recunchos.
Dun tempo a esta parte unha cantidade importante de edificacións, a maior parte delas desocupadas, presentan un estado de deterioro e ruína alarmante, debido a que os seus propietarios non acometeron, nin acometen labores de conservación e mantemento nin estruturais nos inmobles como é obrigatorio e preceptivo, se a isto Ile engadimos que temos ordenanza en vigor na que ampararnos para evitar este problema e non a aplicamos a cuestión é máis que preocu pante.
Con inclemencias metereolóxicas desfavorables e sen inclemencias desfavorables o casco vello de Padrón é un perigo constante ao existir risco de que destas edificacións se desprendan cascallos ou outros elementos deteriorados sobre a vía pública. Un risco que non se corrixe coa colocación dun cartel na edificación de se vende, mallas verdes para tapar o problema ou ferros para suxeitalas paredes. Os propietarios teñen un deber de mantelos inmobles en bo estado de conservación e seguridade e o concello, a través do goberno municipal, unha obriga de garantila seguridade e que se cumpran as ordenanzas e a normativa urbanística, polo tanto o de pechar calexas con cinta, ou rodear inmobles con vallas, por favor que non sexan antiestéticas , vale para un curto período de tempo pero esta situación non pode, nin debe prolongarse no tempo.
Hai que esixir a toma de medidas contundentes para solventala situación, facer requirimentos, dar facilidades de rehabilitación e cando se fai caso omiso do dialogo e das obrigas, aplicala normativa con contundencia, sen medias tintas e sen que Ile treme o pulso das decisións.
. E polo que PROPOÑEMOS o seguinte ACORDO DE RESOLUCIÓN:
a. Tomar acordo plenario de convocar cada dous meses, con carácter ordinario, coincidindo coa celebracións das sesións plenarias ordinarias a comisión de urbanismo para que o goberno dea conta de tódalas medidas adoptadas para combatelo deterioro do casco vello exemplo: comunicacións cursadas aos propietarios, apertura de expedientes, estado dos expedientes abertos, solicitudes de rehabilitación, estado das solicitudes etc, etc. e de selo caso convocar esta comisión con carácter extraordinario cando unha situación especial o requira.
b. Tomar acordo de ordenala toma de medidas para garantila seguridade dos transeúntes en tódolos inmobles en mal estado, no espazo de tempo máis breve posible ( 1 mes).
c. Tomar acordo de retirada inminente ( 1 mes) de elementos antiestéticos dos inmobles: mallas de ocultar en mal estado, vallas antiésteticas por outros elementos acordes co decoro e dignidade dun casco urbano e adaptados á normativa de protección e seguridade.
d. Tomar acordo de informar en esta comisión das labores de reposición ou arranxo do lousado das rúas e das medidas de protección e do estado dos elementos arquitectónicos ou estruturais do casco vello ( prazas, ponte, espolón, xardín, xardíns, souto, estatuas, esculturas e fontes)
Ningún comentario:
Publicar un comentario