Boqueixón -Éxito na estrea da curtametraxe "Xigante de pedra"

Onte sábado tivo lugar no Centro de Interpretación do Pico Sacro (Lestedo) a presentación da curtametraxe “Xigante de pedra” no marco das diversas actuacións que o Concello de Boqueixón está a desenvolver para a posta en valor do Pico Sacro e o seu entorno.

“Xigante de pedra” é unha ficción creada e realizada por un grupo de rapazas de Boqueixón dentro da actividade extraescolar “Micromovie Xuvenil” e pretende incidir na posta en valor do Pico Sacro, a súa maxia e o seu encanto, dende unha ollada xuvenil.

As alumnas participantes nesta actividade desenvolveron as diferentes fases de elaboración de guión, interpretación, musicalización, edición…, de xeito que puideron vivenciar todo o proceso creativo vinculado ao seu patrimonio máis cercano.

Ademais, no acto, participaron o alcalde de Boqueixón, Ovidio Rodeiro, quendestacou o importante papel deste grupo de mozasdo concello participantes nesta iniciativa, o profesor e escritor Xosé Manuel Lobatocompartindo as súasreflexións sobre “ O Pico Sacro na literatura galega”e as propias protagonistas deste evento.

O acompañamento musical correu a cargo de Sofía Silva,estudante de piano no Conservatorio de Santiago e do grupo de música tradicional “Estralampo” de Lestedo.

Destexeito diversas persoas e agrupacións do propioconcello de Boqueixón participanna posta en valor do patrimonio cultural e natural do seu propio concello.

Ningún comentario: