O alcalde de Ames di que se debe dar prioridade á seguridade sobre o tempo de duración nas obras da AG-52
Logo da visita que a conselleira de Infraestruturas, Ethel Vázquez, realizou á zona da AG-56 afectada polo desprendemento dun noiro e a reunión mantida cos concesionarios da autovia, o alcalde de Ames, José Miñones, presente na reunión, opina que "se debe priorizar a seguridade por riba da duración das obras", ao tempo que amosa malestar coa concesionaria da autovía "por non ter feito antes a sinalización dos desvíos provisionais e polos colapsos de tráfico que esta falta de información está a no núcleo urbano de Bertamiráns".
Cómpre lembrar que debido ao atraso da concesionaria á hora de materializar ista sinalización, o propio concello tomou a decisión de facer unha sinalización provisional e elaborou co Departamento Municipal de Tráfico e o responsable da Policía Local unha proposta de sinalización. Incidiuse na desviación do tráfico que accede dende a estrada de Negreira á autovía en dirección Brión e pola saída dos Ánxeles, na que se accede a unha rotonda que conecta directamente coa autovía dirección a Santiago de Compostela, evitando aos condutores o paso polo centro de Bertamiráns. Tamén se traballou no desvío dirección Padrón, que pasa por Bastavales, ademais de colocar sinais advertindo do alto volume de circulación que se está a producir no núcleo de Bertamiráns.
O plan de desvios e de sinalización provisional elaborado polo Concello de Ames será o mesmo que empregue a concesionaria para facer a sinalización definitiva.
Ningún comentario:
Publicar un comentario