Santiago - Manuel vilas no Vía Stellae coa arpa de duas ordes

Danza e diversións para saraos, tabernas e palacios
Manuel Vilas no festival Via Stellae coa arpa de dúas ordes 
Mércores 17 de xullo ás 19.30h na Igrexa das Ánimas. Entrada libre prevía recollida de invitación no Teatro Principal.

 ¡Jácara! Danzas e bailes compoñen este paseo polo lecer musical que conformaba as diversións en palacios, saraos e tabernas de diversa índole: salóns, festas privadas, jácaras e todo tipo de manifestación lúdica e festiva na España dos séculos XVII e XVIII.

MANUEL VILAS , experto en arpas antigas dos s. XII a XVIII, naceu en Santiago de Compostela. Manuel ven de colaborar con numerosos grupos de prestixio como Les Musiciens du Louvre, Al Ayre Español etc., e actuou nos máis importantes festivais de Europa. Realizou concertos como solista de música barroca española, americana e italiana en Europa e América. Recentemente foi invitado a representar a España no Festival Mundial de Arpa en Asunción (Paraguai), sendo o primeiro arpista en ofrecer un recital de arpa de dúas ordes neste país.

O programa que ofrecerá Manuel Vilas pretende recrear o mundo das danzas e os entretementos musicais do mundo barroco na España da segunda metade do s. XVII e primeiros anos do s. XVIII, a Igrexa das Ánimas acollerá este concerto de entrada libre, na última semana do festival. A arpa de dúas ordes é copia dunha arpa construída en Barcelona en 1704 por Pere Elías.

Danzas e bailes compoñen este paseo polo lecer musical que conformaba as diversións en palacios, saraos e tabernas de diversa índole: salóns, festas privadas, jácaras e todo tipo de manifestación lúdica e festiva. Estas danzas reflicten o crisol de diversas culturas do mundo ibérico: cataláns, galegos, casteláns, andaluces, criollos, mestizos, portugueses, valencianos etc. En resumo, un paseo musical pola cultura musical española do Século de Ouro de man dun dos instrumentos máis utilizados na súa época, máis característicos e máis persoais: a arpa de dúas ordes.

Ningún comentario: