TEO - SUBVENCIONS A ASOCIACIONS


O CONCELLO DE TEO PUBLICA AS CONVOCATORIAS DE SUBVENCIÓNS VECIÑAIS E DE CARÁCTER EDUCATIVO E BENESTAR SOCIAL



O prazo para presentar as solicitudes remata o próximo 4 de abril de 2011


15 de marzo de 2011. O Concello de Teo publica no BOP as convocatorias de subvencións a entidades de carácter educativo, benestar social e tempo libre, dotadas con 26.000 euros e as axudas para o fomento do asociacionismo e a participación cidadá, dotadas con 6.000 euros. A convocatoria completa pódese consultar no Boletín oficial da provincia do luns 14 de marzo.

Deste xeito e con 20 días naturais de prazo para presentar as solicitudes, as asociacións interesadas en solicitar estas axudas teñen ata o 4 de abril para entregar a documentación necesaria no Rexistro Xeral do Concello. Os impresos de solicitude xa se poden recoller nas oficinas xerais do Concello, ou descargalas da páxina web municipal.

Unha das novidades deste ano é que as convocatorias de subvencións se publican por áreas. De feito as subvencións para asociacións culturais e deportivas xa se publicaron o mes pasado. Con esta diferenciación preténdese axustar a convocatoria ás áreas de traballo nas que desenvolven o traballo as asociacións. O alcalde destaca que “esta diferenciación non merma o financiamento das subvencións, que é igual ó do ano pasado, se non que pretende que o reparto sendo máis específico sexa máis xusto”.

As convocatorias de subvencións publicadas onte están dirixidas sobre todo a gastos correntes, de organización de actividades ou de conservación ou mantemento de locais. As actividades subvencionables teñen que estar sempre debidamente xustificadas e pertencer á área de traballo do colectivo. 

Ningún comentario: