BNG AMES - TRANSPORTE NO RURAL


O BNG propón que o transporte metropolitano se extenda ao medio rural.
O Goberno Municipal de Amesé totalmente ineficaz neste asunto.
Ames. 15 de marzo de 2011. O BNG de Ames propón que as liñas do transporte metropolitano se extendan ao medio rural, para que os veciños e veciñas das parroquias poidan disfrutar deste servizo.
O BNG considera que de non levarse este servizo ás parroquias e aldeas estariase dando unha situación de discriminación en función da zona onde se vive. Hai que ter en conta que parte das tarifas do transporte metropolitano está financiadas por fondos públicos da Xunta e dos Concellos.
Mentres os concellos de Brión e Teo xa teñen planificado e demandado da Xunta  a incorporación de varias liñas rurais que intercomuniquen os seus concellos, o Goberno Municipal de Ames segue sen avanzar neste asunto, mostrando unha total ineficacia..
 O Pleno da Corporación Municipal, en abril de 2009, acordara a creación dunha Comisión co obxectivo de estudar a viabilidade da implantación do transporte público no medio rural de Ames. Asimesmo se aprobou a composición desta comisión, na que ademais de representantes dos tres grupos municipais, estaría un representante por cada parroquia designado polas asociacións de veciños. Cómpre lembrar que estes acordos foron tomados por unanimidade dos tres grupos municipais.
Despois de case dous anos, o Alcalde, Carlos Fernández, nen constituíu a Comisión Plenaria nen dou pasos efectivos para a implantación do transporte público no medio rural do noso concello.

Ningún comentario: