Adxudicadas as obras de mellora de sete
viarios de Melide
A
Xunta de Goberno Local adxudicou a obra a unha empresa local cun presuposto de
162.000 euros.
Entre
os viarios que serán completamente reformados están o que pasa pola zona da cooperativa
Melisanto (dende Furelos ata a Martagona), ou o viario que comunica coa piscina
municipal.
Nas vindeiras semanas Melide comezarán obras en sete
viarios que nestes momentos presentan un importante estado de deterioro, algúns
deles no propio núcleo urbano de Melide, coma o que une Furelos coa rúa Martagona
(pasando pola cooperativa Melisanto), ou o Camiño de Ferreiros que leva á
piscina municipal, e outros viais xa en parroquias.
O treito máis longo de viario que se vai mellorar é o que
une o lugar de Castiñeiroa (na parroquia de Maceda) coa parroquia de Orois, no
lugar da Pena. Trátase dunha infraestrutrua de 4,5 quilómetros sobre a que se
vai aplicar un tratamento asfáltico completo. Ademais desta actuación entre as
parroquias de Maceda e Orois, no ámbito rural tamén se reparará o viario que
conecta San Martiño das Varelas co lugar de Reboredo (e que ten unha extensión
de 1.365 metros );
amais de viarios nos lugares de Catasol, na parroquia de Santa María; Corbelle
da parroquia dos Ánxeles e Zaramil, na parroquia de San Salvador.
O proxecto que inclúe a mellora destes sete viarios ten
un presuposto de 162.000 euros, e será executado nas próximas semanas por unha
empresa local.
55.000 euros para o viario Furelos-Martagona
O viario entre Furelos e a Martagona é un viario con
moito tránsito, posto que comunica coa Cooperativa Melisanto, así como é unha
das entradas dos autobuses escolares que van ao colexio Martagona e ao IES de
Melide. Co investimento de máis de 50.000 euros procederase a renovar o firme
de todo o vial con aglomerado en quente, moito máis duradeiro que o asfalto.
Ningún comentario:
Publicar un comentario