BRION - KEDADA CICLISTA FEMININA


SETENTA PARTICIPANTES TOMARON PARTE ESTE DOMINGO NA PRIMEIRA “KEDADA CICLISTA FEMININA”,

Promovida polo Clube Ciclista Os Esfola Arrós, en colaboración co Concello de Brión, fixeron un percorrido por Brión, Ames e Teo

14 de marzo de 2011. Preto de 70 persoas, entre participantes femininas e acompañantes, déronse cita este domingo na primeira “Kedada ciclista feminina Os Esola Arrós”, que trascurriu nun percorrido de 26 quilómetros polos municipios de Brión, Ames e Teo. O clube ciclistas “Os Esfola Arrós”, en colaboración co Concello de Brión, promoveu esta iniciativa coa que se pretendía animar á participación das mulleres no ciclismo de montaña.

E a resposta non se fixo esperar, xa que se cubriron todas as prazas previstas, 50, nun encontro ao que as mulleres acudiron acompañadas de amigos, parellas, mozos ou incluso fillos, que sumaron participantes ate chegar aos 70. Impulsada pola primeira socia feminina do clube ciclista “Os Esfola Arrós”, a resposta foi todo un éxito na que foi a primeira iniciativa destas características organizada na zona . As participantes saíron ás 9:30 horas da Carballeira de Santa Minia para facer un percorrido de 26 quilómetros, de dificultade baixa, polos municipios de Brión, Ames e Teo, un circuito que se fixo moi levadeiro ademais polo avituallamento ofrecido polo clube na metade do percorrido. Ao remate, no Pabillón Polideportivo de Pedrouzos as participantes puideron asearse e limpar as biclitas da lama do percorrido.

Ningún comentario: