Organízase para o día 20 de marzo unha ruta de sendeirismo polo termo municipal de Teo
O sendeirismo é unha das
actividades que máis favorecen o contacto co
medio. Así, o Concello de Ames promove unha ruta de sendeirismo
polo
termo municipal de Teo. Esta actividade levárase a cabo o domingo
20 de
marzo. Realizarase un percorrido de 14 quilómetros dunha
dificultade
media-baixa dende a Igrexa de Luou ata o lugar de Loureiro para
volver
finalmente á Igrexa, o que suporá unhas 4 horas camiñando. Todos
os
interesados/as poden inscribirse no departamento de Deportes ata
ás
14:00 horas do día 18 de marzo. Esta nova excursión enmárcase
dentro do
programa Espazos Naturais de Galicia.
Camiñar é un dos deportes
máis completos que existen. Para animar a veciñanza amiense a que
realice deporte o Concello de Ames, a través da Concellería de
Cultura,
Deportes e Patrimonio, organiza unha nova ruta de sendeirismo polo
concello veciño de Teo. Un percorrido de 14 quilómetros dunha
dificultade media-baixa dende a Igrexa de Luou ata o lugar de
Loureiro
para volver finalmente á Igrexa, o que suporán unhas 4 horas
camiñando.Esta ruta non é apta para menores de 12 anos, malia que a súa dificultade física é media-baixa. Todas aquelas persoas que desexen poderán apuntarse ata o día 18 de marzo ás 14:00 horas. Para elo, deberán chamar ao 981 88 49 91 ou enviar ao correo web deportes@concellodeames.org os seus datos -nome e apelidos, idade, teléfono e enderezo- e informar da súa vontade de participar nesta nova excursión organizada no eido do programa Espazos Naturais de Galicia.
Ao longo do percorrido iranse visitando diversos lugares de especial interese. No primeiro tramo, A Igrexa- Rapeiro, atopámonos coa carballeira de Luou, moi interesante dende o punto de vista natural, e co cruceiro de Eirexe, que segundo os datos teríase levantado no lugar en 1.675. Consta de dúas imaxes, a de Noso Señor e outra da Virxe. No segundo tramo do percorrido, Rapeiro- Seixos, chegamos ao Rapeiro, lugar da aldea de Espasande polo que transcorre o río San Lois no que se atopan un par de muíños e un lavadoiro público.
No terceiro tramo, partindo de Seixos cara o Río de Angueira onde se atopa un famoso petroglifo, o petroglifo de Angueira. Así, a medida que se vaian realizando os tramos do percorridos iranse visitando diversos lugares: as ruínas do muíño de Loureiro, coñecido por utilizar moi pouca auga para moer; as mámoas e restos arqueolóxicos de Eira dos Mouros; o cruceiro e a fonte de Santa margarida e o lugar por onde pasaron e onde morreron a mans da Garda Civil o grupo de maquis Os Foucellas; os restos da aldea da Costa; a mámoa de Trasellas con máis de 3.000 anos antes de Cristo. Deste xeito, ademais de practicar o sendeirismo, os interesados poderán coñecer os lugares importantes de Teo en materia de natureza, arqueoloxía e historia.
Para achegar ás persoas inscritas ata o lugar de saída porase un autobús que sairá da Praza do Concello, en Bertamiráns, ás 9:00 horas e do pavillón do Milladoiro ás 9:15 horas da mañá.
O sendeirismo é unha actividade que busca achegar á xente ao medio natural e potenciar así o coñecemento dos lugares a través de vías de comunicación tradicionais tales como camiños e carreiros non balizados. Así, esta actividade constitúe unha mestura entre deporte, cultura e medio. Galicia conta cunha gran cantidade de vías idóneas para a práctica do sendeirismo, e iso da pé a numerosas iniciativas.
Ningún comentario:
Publicar un comentario