Santiago, 18/07/2016 - O ciclo TerraZeando continúa a sua programación con un concerto que promete levantar paixóns e transportarnos aos anos dorados do rock'n'roll, xa que recibirá aos norteamericanos The Shivas no Bar Olvido compostelano. The Shivas forman parte dese pozo sen fondo que non cesa de bombear propostas de vibrante e pantanoso rock de guitarras: o selo norteamericano Burger Records. Tendo un pé na súa cidade de oríxe, Portland, e outro nunhas xiras interminables por medio mundo, The Shivas son desa clase de grupos que en directo conquístanche a base de bo rolo e un show rotundo, pleno de paixón pola suor do rock and roll; non en balde tocaron á beira de bandas da talla de Spiritualized, La Luz ou The Dandy Warhols.
Ademais de formar parte de Burguer, os seus máis recentes discos veñen avalados polo pope indie Calvin Johnson -produtor nos dous últimos- e do propio selo deste,K Records. Atravesando un momento de forma inmellorable, as crónicas das súas recentes visitas ao SXSW, Austin Psych Fest ou Levitation así o reflicten. Psicodelia lánguida de guitarras surf en estado puro co botón de reverb a lume de biqueira, ou como dixo alguén: o cocktail perfecto entre The Ventures, The Black Angels e os Dr. Dog.
Ningún comentario:
Publicar un comentario