Ames, 21/07/2016 - Durante o pasado mes, veciños de Framil e de Lens avisaron sobre a acumulación de lixo e a vertedura de aveños vellos e rotos en diversos puntos de recollida de lixo xunto aos correspondentes colectores. Como consecuencia destas denuncias, membros do Grupo Municipal Popular desprazáronse aos lugares sinalados e comprobaron a veracidade dos feitos.
En relación con estes feitos, no pasado Pleno ordinario, o correspondente ao mes de Xuño, o concelleiro do Grupo Popular Roberto Martínez Viaño, en virtude das facultades de control ao Goberno Local que confire o Capítulo VIII do Reglamente Orgánico Municipal, realizou o correspondente Rogo para que o Goberno actuase e tomase as medidas oportunas para que se retirasen coa maior urxencia posible os obxectos vertidos, xa que, no caso de Lens, existía gran cantidade de cristais rotos esparexidos polo chan, co consecuente perigo que iso supón.
Cando faltan uns días para celebrase o próximo Pleno ordinario, o PP de Ames procedeu a visitar novamente os puntos afectados e puido constatar que mentres os aveños depositados en Framil, e que consistían en mobles e colchóns, foron retirados; o lixo acumulado en Lens non só non foi retirada, senón que o improvisado vertedoiro incrementouse con máis lixo e córrese o risco de que se converta nun pequeno vertedoiro permanente.
Desde o Grupo Municipal Popular de Ames queremos manifestar que somos conscientes das dificultadote que leva a retirada deste tipo de lixos, con todo tamén temos presente que os veciños do rural non deben de ser as victimas do deixamento municipal á hora de proceder coa celeridade debida á retirada das mesmas. Eles non dispoñen do amplo número de puntos de recollidas que se dispoñen nos núcleos urbanos do noso municipio; e os poucos puntos dos que dispoñen atópanse a maior distancia, polo que depositar este tipo de lixo suponlles un esforzo maior que ao resto de veciños; por iso resulta inadmisible tan considerable atraso na recollida de tales lixos e a falta de amaño e limpeza dos correspondentes puntos.
É por iso polo que novamente instamos o tripartito de Ames, como xa realizamos no anterior Pleno, á urxente retirada de tales refugallos e á conveniente limpeza do punto de recollida de Lens.
Ningún comentario:
Publicar un comentario