Numax - Programación do 23 ao 29 de outubro

Á volta da infancia

O programa desta semana no Cinema NUMAX pon en relación tres filmes á volta da infancia e da xente nova: a reestrea en copia nova 2K da primeira longametraxe de François Truffaut, Os 400 golpes, acompaña a estrea en salas do último e esperado filme de Marc Recha, Un día perfecto para voar, que vén de competir na sección oficial do Festival Internacional de Cine de San Sebastián pola Cuncha de Ouro.

Canda eles, Zumzeig Distribució estrea en NUMAX Loubia Hamra (Feixóns encarnados), ópera prima de Narimane Mari con música de Zombie Zombie. Unha reinterpretación da Guerra de Independencia de Alxeria, narrada e interpretada por enteiro desde o punto de vista duns cativos de seis a catorce anos. Lonxe da especulación, o traballo de Mari procura unha dimensión onírica e metafórica. Loubia Hamra levou o premio da competición francesa do FID Marseille en 2013, entre outros moitos (máis de trinta mencións en numerosos festivais internacionais), e a súa realizadora, Narimane Mari, acaba de recibir o premio Open Doors no festival de Locarno 2015 ao proxecto do seu vindeiro filme: Le fort des fous.

O mércores 28 estreamos El complejo de dinero de Juan Rodrigáñez, última proposta de Márgenes Distribución que foi presentado na Berlinale 2015 como o único filme español que competiu polo premio á mellor ópera prima. Montado e coescrito por Eloy Enciso (realizador de Arraianos), é unha adaptación libre da novela Der Geldkomplex, escrita en 1916 pola autora feminista Franziska Von Reventlow, que nos propón unha «sugerente aproximación a un contradictorio universo de penurias económicas, afectivas y culturales que, por muy terrorífico que resulte, se parece bastante al nuestro» (Manu Yáñez, Otroscines Europa).

Últimos pases

Ademais, continuamos con Ventos de Agosto —último pase o martes 27—, o filme brasileiro premiado en Locarno 2014 de Gabriel Mascaro (que acaba de recibir tamén o premio especial do xurado do Festival de Venecia co seu último traballo, aínda sen distribución en España, Boi Neon) e con Amama —último pase o xoves 29—, realizado por Asier Altuna, premio do Cinema Basco na última edición do Festival de San Sebastián 2015.

Un día perfecto para voar
(Marc Recha, 2015)


Nun lugar apartado, perto da costa, un cativo fai voar o papaventos que lle fixo o seu pai. Vai vento e o papaventos enreda entre a vexetación. O pequeno precisa do seu pai para seguir a voar o papaventos. Xuntos os dous, en medio da natureza, comparten un conto íntimo e especial: o dun xigante que sempre ten fame.

Loubia Hamra
(Narimane Mari, 2013)


Nunha praia corren uns pequenos, báñanse e dormen até que de súpeto se xuntan e deciden que teñen que iniciar unha guerra. Están na Alxeria actual, mais as preocupacións e motivos da súa loita son as medio século atrás, cando o Frente de Liberación Nacional combateu o colonialismo francés. Unha reinterpretación da Guerra de Independencia de Alxeria, narrada e interpretada por enteiro desde o punto de vista duns cativos de seis a catorce anos.

El complejo de dinero
(Juan Rodrigáñez, 2014)

O fillo de Rafael está de volta na casa familiar para presentar a súa moza e anunciar os seus planos de voda. Na casa tamén viven os mellores amigos do seu pai: Francisca, Henry, Lucas e Domingo, todos vítimas dun complexo de diñeiro.

Programación

VOSG: Versión orixinal subtitulada en galego
VOSI: Versión orixinal subtitulada en inglés
VO: Versión orixinal sen subtítulos

Venres 23 de outubro

12:00 Amama
16:00 Amama
18:00 Ventos de agosto
19:30 Un día perfecto
          para voar [Estrea]
21:00 Loubia Hamra [Estrea]
22:30 Os 400 golpes
 

Sábado 24 de outubro

12:00 Os 400 golpes
16:00 Amama
18:00 Ventos de agosto
19:30 Loubia Hamra
21:00 Un día perfecto para voar
22:30 Amama
 

Domingo 25 de outubro

12:00 Ventos de agosto
16:00 Amama
18:00 Os 400 golpes
20:00 Un día perfecto para voar
21:30 Loubia Hamra
 

Martes 27 de outubro

12:00 Os 400 golpes
16:00 Amama
18:00 Un día perfecto para voar
19:30 Loubia Hamra
21:00 Ventos de agosto [Último pase]
22:30 Amama
 

Mércores 28 de outubro

12:00 Amama
16:00 Un día perfecto para voar
17:30 Amama
19:30 Loubia Hamra
21:00 El complejo de dinero [Estrea]
22:30 Os 400 golpes
 

Xoves 29 de outubro

12:00 Os 400 golpes
16:00 Loubia Hamra
17:30 El complejo de dinero
19:00 Un día perfecto para voar
20:30 Amama [Último pase]
22:30 Os 400 golpes

Ningún comentario: