Funcionará no local da AAVV dos Tilos os días 16, 16, 22 e 23 de decembro en horario de mañá e tarde
Varias asociacións do Concello de Teo volven a unirse, como xa fixeran o ano pasado, para poñer en marcha un mercadillo solidario de Nadal. Será esta fin de semana o sábado 15 e o domingo 16 no local da Asociación de Veciños dos Tilos na Rúa Ameneiro. O horario de funcionamento será de 11:00 a 14:30 e de 17:00 a 21:00 horas.
Participan nesta iniciativa a AAVV dos Tilos, a Asociación Cultural e Recreativa Os Tilos, Teenses pola Igualdade, Aspamite e as Mulleres rurais de Teo. Se aínda non tes mercados os agasallos de Nadal será unha boa oportunidade para colaborar xa que o mercadillo se realiza para axudar a financiar o funcionamento das asociacións.
Esta “feira de oportunidades” continuará os días 22 e 23 de decembro no mesmo horario de funcionamento. O ano pasado fíxose por primeira vez este mercadillo, concretamente na Casa Común de Rarís, cunha boa acollida xa que durante os días que funcionou achegáronse bastantes persoas e a recadación para as asociacións tamén foi moi valorada.
Nestes momentos nos que o financiamento das entidades sen ánimo de lucro se fai complicado ideas coma esta axudan a que cada unha poida seguir desenvolvendo o seu traballo nos diferentes ámbitos de actuación nos que traballan.
Ningún comentario:
Publicar un comentario