Frades - o EDM gaña o Torneo Municipal de Fútbol

O EQUIPO DA EDM DE FRADES GAÑA O TORNEO MUNICIPAL DE FÚTBOL 7
Gañáronlle ao equipo de Tordoia por dez goles a dous 
O equipo das Escolas Deportivas Municipais de Frades proclamouse vencedor do Torneo municipal de Fútbol 7, correspondente á categoría cadete. A competición disputouse en partido único, no que os de Frades recibiron no campo de herba artificial de Abellá ao equipo de Tordoia. O resultado foi de dez goles a dous.

O concelleiro de Deportes, Roberto Rey Martínez, encargouse da entrega dos trofeos. Recibíronos tanto os campións como os finalistas e ademais entregaronselle distincións ao xogador que marcou máis goles e ao mellor porteiro. Os máximos goleadores foron Rubén e Gonzalo, do equipo das EDM de Frades, con catro tantos cada un. E o mellor porteiro, como indica a lóxica do resultado, foi Jose, de Frades.

Ningún comentario: