Silleda - mañán pechan as piscinas municipáis

As piscinas municipais pecharán as súas portas mañán domingo día 2, logo de recibir preto de 5.000 entradas
Tamén se venderon 28 bonos familiares e individuais para toda a tempada
As instalacións cerran polo vencemento do contrato dos socorristas
As instalacións das piscinas municipais de Silleda e A Bandeira pecharán as súas portas pasado mañá domingo día 2 de setembro, data en que finalizan os contratos do socorristas. A falta destas últimas xornadas, as piscinas, que abriron este ano as súas portas o pasado día 3 de xullo, levan rexistradas preto de 5.000 entradas, ás que hai que sumar os bonos familiares e individuais Dende a Concellería de Deportes, que dirixe Klaus Brey, faise un balance “moi positivo” da tempada nestas instalacións deportivas e de ocio. “Pese a que se criticou moito o cobro polo uso destas instalacións, que comezou a aplicarse no ano 2011, está visto que esta cuestión non rebaixou o nivel de afluenza ás piscinas”, remarca.A recadación das taxas, xa previstas no regulamento aprobado no ano 1999, pero que non se aplicaron at ao pasado ano, servirá para asumir os cursos do servizo, entre eles os tratamentos que precisa nas instalacións (ph, cloro, e outros, que suman preto de 4.000 euros), o lavado dos catro vasos-dous en cada recinto-, e outros gastos relacionados co mantemento, limpeza ou análise da agua. Os socorristas foron contratados a través do Plan de Cooperación da Consellería de Traballo.

Ningún comentario: