Este sábado 23 de febreiro, ás 19 h, na Mediateca do Grilo, os Socialistas de Teo organizan unha mesa redonda para falar da situación actual das políticas sociais no noso país.
Contaremos coa presenza tanto de representantes do tecido asociativo de Teo como de representantes e cargos públicos do PSOE tanto a nivel galego como estatal.
Así, para darnos o seu punto de vista desde as asociacións de Teo teremos catro representantes: Carmen Dubra Lueiro, Presidenta de Mulleres Rurais de Teo; Rosa Gomez Limia, Presidenta de Teenses pola Igualdade; Angel Morón, Presidente da Asociación de Pais de persoas con Discapacidade de Teo, ASPAMITE; e Malena Suárez Silva, Presidenta da Asociación Recreativa e Cultural dos Tilos.
Representando ao noso partido, entre outros, intervirán Paloma Rodríguez, deputada no Parlamento español pola provincia da Coruña, vogal de Comisión de Igualdade e da Comisión para as políticas integrais da discapacidade, e Margarita Pérez, coordinadora da área de Benestar da Executiva Galega do PSdeG- PSOE.
A mesa redonda será moderada por Uxía Lemus, Secretaria Xeral do PSdeG de Teo e concelleira teense. O obxectivo da mesa redonda é analizar o ataque ás políticas sociais, clave de bóveda do noso estado de benestar, coas intervencións indispensables dos e das representantes do tecido asociativo teense, que aportarán o punto de vista dos maiores implicados na defensa deste tipo de políticas.
Ningún comentario:
Publicar un comentario