'Mistress America' e 'África-815'
|
|
| Volvemos á comedia coa nosa estrea deste primeiro venres de decembro:Mistress America, último filme de Noah Baumbach, achégase ao xéneroscrewball cunha trama vertixinosa que nos presenta o choque entre os modos de vida da parella protagonista na recorrente Manhattan. O achegamento ao propio escenario, ou mesmo ese existencialismo lixeiro que cruza toda a fita, levou a moitos críticos a comparar a obra do autor de Frances Ha coa dos filmes neoiorquinos de Woody Allen. |
|
Nunhas coordenadas radicalmente distintas sitúase África 815, primeira longametraxe de Pilar Monsell que chega a NUMAX o mércores 9 de decembro tras o seu exitoso paso por numerosos festivais como o DocLisboa, Cinéma du Réel ou L'Alternativa de Barcelona, onde vén de recibir o Premio Panorama. O ton pausado e reflexivo que percorre o filme guíanos polas memorias que o pai da autora deixou escritas arredor da súa experiencia do servizo militar na colonia española do Sahara en 1964. «África 815 é sobre todo un filme terapéutico, que pon orde alí onde a liña de tempo está rota. Cultiva o gusto polas viaxes pasadas, os retornos esperados, as fotonovelas esquecidas. É á vez moi nostálxico e moi duro coa nostalxia, que toma moi en serio.» (Aleksander Jousselin, Independencia). O sábado 12 de decembro, no pase das 19:45, contaremos coa propia Pilar Monsell na sala para presentar o filme. Estará acompañada da profesora de cinema, guionista e programadora Cátia Salgueiro, con quen estabelecerá un coloquio posterior á proxección. As entradas para ese día xa están á venda na ficha do filme.
|
|
Screenly estréase este sábado en NUMAX
A nova plataforma de proxeccións baixo demanda en salas de cinema conta desde o pasado mes de novembro con NUMAX entre os seus espazos de exhibición. Este sábado día 5 terá lugar o primeiro evento orzanizado polas persoas usuarias de Screenly, coa proxección na nosa sala de No estamos solos(prazas esgotadas). O seguinte evento programado, será o vindeiro sábado 19, neste caso para a proxección de The Goonies.
|
|
Xa están dispoñibles as entradas para Frankenstein-04155
Frankenstein-04155 vén de gañar o Premio do Público do Festival Cineuropa a poucos días de estrearse en NUMAX (a partir do 11 de decembro). É evidente a expectación e interese que levanta o documental de Aitor Rei, centrado nas investigacións arredor do accidente do Alvia en Santiago de Compostela, polo que vimos de habilitar na nosa web a posibilidade de reservar entrada previapara a súa única semana en cartel. Podedes consultar na ficha do filme todos os días e horarios de proxección.
|
|
Máis proxeccións de 'Rams' e últimos pases de 'Letters to Max'
Debido á súa boa acollida, continúa unha semana máis na carteleira Rams, o filme de Grímur Hákonarson que gañou a Espiga de ouro na SEMINCI deste ano. Letters to Max, de Eric Baudelaire, terá esta semana os seus últimos pases: serán o venres 4, o domingo 6 e o martes 8 (último pase).
|
|
Tracy é unha alumna de primeiro que estuda en New York e que se atopa soa; non deu na metrópole coa apaixoante experiencia universitaria nin co estilo de vida sofisticado que esperaba. Cando a que vai ser a súa irmá política Brooke -que vive en Times Square e está ao tanto de todo canto acontece na cidade- a acolle, vese rescatada das súas decepcións e seducida polos planos desguedellados de Brooke.
|
|
|
África 815 (Pilar Monsell, 2014)
No arquivo fotográfico e as memorias escritas polo seu pai arredor da experiencia do servizo militar na colonia española do Sahara en 1964, Pilar atopa o paraíso perdido ao que el sempre tentará regresar. Logo dun fracasado proxecto familiar, durante os anos 80 e 90, Manuel Monsell comezará a viaxar ao Magreb. De novo coa súa cámara fotográfica, perseguirá a beleza dalgúns rostros que poidan trasladalo unha vez máis ao lugar soñado.
|
|
|
|
|
Venres 4 de decembro
12:00 Life 16:00 Rams 17:45 Letters to Max 19:45 Mistress America (Estrea) 21:45 Life
Sábado 5 de decembro
16:00 Life 18:00 Mistress America 20:00 Rams 21:45 Life
Domingo 6 de decembro
12:00 Rams 16:00 Letters to Max 18:00 Life 20:00 Mistress America 22:00 Life |
Martes 8 de decembro
12:00 Life 16:00 Rams 17:45 Mistress America 19:45 Letters to Max (Último pase) 21:45 Life
Mércores 9 de decembro
12:00 Mistress America 16:00 Life 18:00 Rams 19:45 África 815 (VO) (Estrea) 21:15 Life
Xoves 10 de decembro
12:00 Life 16:00 África 815 (VO) 17:30 Life 19:45 Rams (Último pase) 21:30 Mistress America |
|
| VO: Versión orixinal sen subtítulos | VOSG: Versión orixinal subtitulada en galego |
|
|
Dennis Stock
Nas palabras do artigo da revista Life que acompañaban a primeira publicación destas imaxes, James dean era "o actor máis excitante en chegar a Hollywood dende Marlon Brando". Pero ao mesmo tempo que eran tomadas, el aínda estaba a piques de saltar á fama e era aínda unha figura máis illada e soa qeu recoñecida e celebrada.
|
|
|
Serge Daney
Serge Daney soubo que o cinema era o lugar do pai morto. Foi un neno pobre e soubo que os pobres eran os pequenos, os que se apañan sós e se educan a si mesmos, os que agradecen estar neste mundo. O mundo, que non é a sociedade nin a cultura, que é a formiga na herba e o muro devorado polo sol, fascinábao. Non creu en ningún paraíso prometido e si no tempo presente.
|
|
|
|
|
Ningún comentario:
Publicar un comentario