Melide rebaixa o prezo público da piscina
climatizada para discapacitados
Ata
este momento estes colectivos podían asistir dous días á semana por un prezo de
12 euros. Con esta modificación poderán usar a piscina catro días á semana polo
mesmo prezo.
O equipo de goberno de Melide levou a pleno este mércores
unha proposta para a modificación do prezo público da piscina climatizada para
os usuarios que pagan a tarifa denominada “aboado especial”. Este grupo de
aboados especiais abrangue a persoas con discapacidade.
Segundo a ordenanza que ata este momento marcaba os
prezos de uso da piscina, as persoas que acreditasen algunha discapacidade
podían usar a piscina municipal dous días á semana por un prezo de 12 euros/mes.
Coa aprobación da proposta levada a pleno polo equipo de goberno de Melide –e
que foi aprobada por unanimidade- este colectivo poderá usar a piscina catro
días á semana polo mesmo prezo. Dende o equipo de goberno de Melide valoraron
esta mellora como “un paso máis na loita contra a discriminación e tamén de
cara á democratización dos edificios públicos”.
Ningún comentario:
Publicar un comentario